ആദ്യ സംഗമത്തിന്റെ വിജയ നിറവിൽ അയർക്കുന്നം മറ്റക്കരക്കാർ വീണ്ടും ഒത്തുചേരുന്നു. രണ്ടാമത് സംഗമം വൂൾവർഹാംപ്ടണിൽ മെയ് 26-ന്.

വൻ ജനാവലിയുടെ സാന്നിദ്ധ്യത്തിൽ കോട്ടയത്തിന്റെ പ്രിയംങ്കരനായ എം.പി. ശ്രീ. ജോസ്.കെ.മാണി ഭദ്രദീപം കൊളുത്തി ഉദ്ഘാടനം ചെയ്ത ആദ്യ സംഗമത്തിന്റെ അവിസ്മരണീയമായ വിജയ നിറവിൽ അയർക്കുന്നം- മറ്റക്കരയും പരിസര പ്രദേശങ്ങളിൽ നിന്നുമുള്ള യു.കെ നിവാസികൾ സ്നേഹ സൗഹൃദങ്ങൾ പങ്കു വയ്ക്കുന്നതിനായി വീണ്ടും യു.കെയിൽ ഒത്തുചേരുന്നു. 2018 മെയ് 26-ന് നടത്തുന്ന രണ്ടാമത് സംഗമവും വൂൾവർ ഹാംപ്ടണിലെ യു. കെ.കെ.സി.എ ഹാളിലാണ് സംഘടിപ്പിക്കുന്നത്. ആദ്യ സംഗമത്തിന്റെ വിജയത്തെ തുടർന്ന് താത്പര്യപൂർവം കടന്നു വരുന്ന കൂടുതൽ കുടുംബങ്ങളെക്കൂടി പങ്കെടുപ്പിച്ചു കൊണ്ട് വിപുലമായ സംഗമം സംഘടിപ്പിക്കുവാനുള്ള തയ്യാറെടുപ്പുകളാണ് പ്രസിഡന്റ് ജോസഫ് വർക്കി, സെക്രട്ടറി ജോണിക്കുട്ടി സഖറിയാസ് എന്നിവരുടെ നേതൃത്വത്തിലുള്ള കമ്മറ്റി നടത്തി വരുന്നത്.

അയർക്കുന്നം- മറ്റക്കര എന്നിവിടങ്ങളിലും പരിസര പ്രദേശങ്ങളിൽ താമസിക്കുന്നവർക്കും ഈ പ്രദേശങ്ങളുമായി ആത്മബന്ധമുള്ളവർക്കും വിവാഹബന്ധമായി ചേർന്നിട്ടുള്ളവർക്കും കുടുംബസമേതം സംഗമത്തിൽ പങ്കെടുക്കാവുന്നതാണെന്നും, ഈ പ്രദേശങ്ങളിൽ നിന്നും യു.കെയിൽ താമസിക്കുന്ന മുഴുവൻ ആളുകളും സംഗമത്തിൽ പങ്കെടുത്ത് വിജയിപ്പിക്കണമെന്നും സംഘാകർ അറിയിച്ചു. രാവിലെ 10 മണിക്ക് ആരംഭിക്കുന്ന സാംസ്ക്കാരിക സമ്മേളനത്തെ തുടർന്ന് കുടുംബാംഗങ്ങളുടെയും കുട്ടികളുടെയും വൈവിധ്യമാർന്ന കലാപരിപാടികളും ഉണ്ടായിരിക്കും. സംഗമ ദിവസം കലാപരിപാടികൾ അവതരിപ്പിക്കുവാനും കൂടുതൽ വിവരങ്ങൾ അറിയുവാനും താഴെപ്പറയുന്നവരെയോ കമ്മറ്റി അംഗങ്ങളെയൊ ബന്ധപ്പെടാവുന്നതാണ്.

ജോസഫ് വർക്കി (പ്രസിഡന്റ്) - 07897448282.

ജോണിക്കുട്ടി സഖറിയാസ് (സെക്രട്ടറി) - 07480363655

ടോമി ജോസഫ് (ട്രഷറർ) - 07737933896.

പ്രോഗ്രാം കോർഡിനേറ്റേഴ്സ്:-

സി.എ. ജോസഫ് - 07846747602 .

പുഷ്പ ജോൺസൺ - 07969797898.

സംഗമവേദിയുടെ വിലാസം

Woodcross Lane

Bilston

Wolverhampton

WV14 9BW

Date: 26/05/2018