ബിനോയ് കോടിയേരിക്കെതിരായ പീഡന കേസില് അഭിഭാഷകന്റെ നിര്ണായക വെളിപ്പെടുത്തല് . ബിനോയിയും അമ്മ വിനോദിനിയും യുവതിയുമായി ചര്ച്ച നടത്തിയത് മുംബൈയിലെ തന്റെ ഓഫീസില് വച്ചാണെന്ന് മധ്യസ്ഥ ചര്ച്ച നടത്തിയ അഭിഭാഷകന് കെ പി ശ്രീജിത്ത് പറഞ്ഞു. ആരോപണങ്ങളെക്കുറിച്ച് തനിക്ക് അറിയില്ലെന്നും വിഷയത്തില് ഒരു ഘട്ടത്തിലും ഇടപെട്ടില്ലെന്നുമുള്ള കോടിയേരി ബാലകൃഷ്ണന്റെ വാദം പൊളിയുന്നതാണ് കെ പി ശ്രീജിത്തിന്റെ വെളിപ്പെടുത്തല്.
ഏപ്രില് 18ന് വിനോദിനിയും 29 ന് ബിനോയിയും ചര്ച്ചയ്ക്കെത്തിയെന്നും വിഷയം നേരത്തെ അറിയില്ലായിരുന്നു എന്ന കോടിയരിയുടെ വാദം തെറ്റാണെന്നും അഭിഭാഷകന് കെ പി ശ്രീജിത്ത് വ്യക്തമാക്കുന്നു. ചര്ച്ചക്ക് ശേഷം കോടിയേരി ബാലകൃഷ്ണനുമായി താന് ഫോണില് സംസാരിച്ചെന്നും അഭിഭാഷകന് വെളിപ്പെടുത്തി. വിഷയത്തിന്റെ ഗൗരവം കോടിയേരിയോട് പറഞ്ഞുവെന്നും എന്നാല്, ബിനോയ് പറയുന്നത് മാത്രമാണ് കോടിയേരി വിശ്വസിച്ചതെന്നും ഇദ്ദേഹം ആരോപിക്കുന്നു.
ബ്ലാക്ക് മെയില് ചെയ്ത് പണംതട്ടാനുള്ളശ്രമമാണ് യുവതിയുടെതെന്നാണ് കോടിയേരിയും പറഞ്ഞത്. അഞ്ചുകോടി രൂപ വേണമെന്ന യുവതിയുടെ ആവശ്യം വിനോദിനി അംഗീകരിച്ചില്ല. ഇപ്പോള് പണം നല്കിയാല് പിന്നേയും പണം ചോദിച്ചുകൊണ്ടേയിരിക്കില്ലേ എന്നാണ് ബിനോയ് പറഞ്ഞതെന്നും കെ പി ശ്രീജിത്ത് വെളിപ്പെടുത്തി. അച്ഛന് ഇടപെടേണ്ട കാര്യമില്ലെന്നും കേസായാല് ഒറ്റയ്ക്ക് നേരിടാന് തയ്യാറാണ് എന്നും ബിനോയി പറഞ്ഞതായി കെ പി ശ്രീജിത്ത് പറയുന്നു. യുവതിയുടെ കുഞ്ഞ് തന്റെതല്ലെന്നും ഇനി പണംതരാനാകില്ലെന്നും ബിനോയ് മധ്യസ്ഥ ചര്ച്ചയില് പറഞ്ഞു.
കുഞ്ഞ് ബിനോയിയുടെതാണെന്നും ഡിഎന്എ പരിശോധന നടത്തണമെന്ന് യുവതി ആവശ്യപ്പെട്ടു എന്നും ഡിഎന്എ പരിശോധനയുടെ കാര്യം പറഞ്ഞതോടെ ബിനോയ് വൈകാരികമായി പ്രതികരിച്ചത്. ഇതോടെയാണ് മധ്യസ്ഥ ചര്ച്ച പൊളിഞ്ഞെന്നും അഭിഭാകന് പറയുന്നു.