മുംബൈ യുവതിയുടെ ലൈംഗികപീഡന പരാതിയില് ബിനോയ് കോടിയേരിക്കെതിരെ ലുക്ക് ഔട്ട് നോട്ടീസ്. മുംബൈ പൊലീസാണ് ലുക്ക് ഔട്ട് നോട്ടീസ് പുറപ്പെടുവിച്ചത്. ഒളിവിലുള്ള ബിനോയ് രാജ്യം വിടാതിരിക്കാനാണ് ലുക്ക് ഔട്ട് നോട്ടീസ് പുറപ്പെടുവിച്ചത്. രാജ്യത്തെ എല്ലാ വിമാനത്താവളങ്ങള്ക്കും ബിനോയിയുടെ പാസ്പോര്ട്ട് രേഖകള് ഉള്പ്പടെയുള്ള വിവരങ്ങള് കൈമാറും.
അതേസമയം ബിനോയ് കോടിയേരിയുടെ മുന്കൂര് ജാമ്യാപേക്ഷയില് മുംബൈ കോടതി നാളെ വിധി പറയും. ഹരജിയിലെ വാദത്തിനുശേഷം പുറത്തുവന്ന തെളിവുകള് പ്രോസിക്യൂഷന് കോടതിയില് സമര്പ്പിച്ചേക്കുമെന്നാണ് സൂചന.
ദുബൈയില് ഡാന്സ് ബാറില് ജോലി ചെയ്തിരുന്ന ബിഹാര് സ്വദേശിനിയാണ് ബിനോയിക്കെതിരെ ലൈംഗിക ചൂഷണ പരാതി നല്കിയത്. വിവാഹവാഗ്ദാനം നല്കി വര്ഷങ്ങളോളം ലൈംഗിക ചൂഷണം നടത്തിയെന്നും ഈ ബന്ധത്തില് എട്ടുവയസ്സുള്ള കുട്ടിയുണ്ടെന്നും യുവതി ആരോപിച്ചിട്ടുണ്ട്.