സ്വതന്ത്ര ചിന്തകനും , ശാസ്ത്രബോധ പ്രചാരകനും , എഴുത്തുകാരനുമായ പ്രൊഫ. സി. രവിചന്ദ്രൻ ഒരു പ്രഭാഷണ പരമ്പരയുമായി അടുത്ത മെയ് മാസം യു.കെ സന്ദർശിക്കുന്നു

അടുത്ത മാസം , 2018 മെയ് 14 മുതൽ 30 വരെ , രണ്ടാഴ്ച്ചക്കാലം , ശാസ്ത്രബോധ പ്രചാരകനും ,സ്വതന്ത്ര ചിന്തകനും ,കോളേജ് അദ്ധ്യാപകനും ,എഴുത്തുകാരനുമായ പ്രൊഫ. സി. രവിചന്ദ്രൻ വിവിധ വിഷയങ്ങളെ ആസ്പദമാക്കിയുള്ള ഓരോ പ്രഭാഷണ പരമ്പരകൾ കാഴ്ച്ചവെക്കുവാൻ വേണ്ടി , യു. കെ യിലെ ഏഴ് നഗരങ്ങളിൽ വന്നെത്തുകയാണ് ...

'എസ്സെൻസ് യു.കെ'യുടെ ആഭിമുഖ്യത്തിലാണ് , ബ്രിട്ടനിൽ അങ്ങോളമിങ്ങോളം ഈ പ്രഭാഷണ പരമ്പരകൾ അരങ്ങേറുന്നത് . ശാസ്ത്രബോധവും , മാനവികതയും , യുക്തി ചിന്തയും പരിപോഷിപ്പിക്കുന്നതിനു വേണ്ടി കേരളത്തിൽ രൂപം കൊണ്ട ' എസ്സെൻസ് ക്ലബ്ബ് 'അതിന്റെ പ്രൗഢ ഗംഭീര പ്രവർത്തനങ്ങളാൽ ചുരിങ്ങിയ കാലം കൊണ്ടുതന്നെ ആഗോളതലത്തിൽ പ്രചുരപ്രചാരം നേടിക്കഴിഞ്ഞ രാഷ്‌ട്രീയ ജാതിമതവർഗ്ഗലിംഗ വ്യത്യാസമില്ലാതെ ചിന്തിക്കുന്ന ഒരു പ്രസ്ഥാനത്തിന്റെ കൂട്ടായ്മയാണ് ... ഈ ശാസ്ത്ര പ്രസ്ഥാനത്തിന്റെ ആശയങ്ങളിൽ ആകൃഷ്ടരായ ബ്രിട്ടനിലെ പ്രബുദ്ധരായ ആളുകളുടെ ആഗ്രഹ പ്രകാരം ,ആറുമാസം മുമ്പ് , 2017 ഒക്റ്റോബർ 30 ന് , യു. കെ യിലും 'എസ്സെൻസ് ക്ലബ് 'രൂപംകൊണ്ടു...

വർഷങ്ങൾക്കു മുമ്പു തന്നെ ലോകത്തിനു മാതൃകയായി നമ്മുടെ കൊച്ചു കേരളം സമ്പൂർണ്ണ സാക്ഷരത കൈവരിച്ചെങ്കിലും , ആ അറിവ് പ്രയോഗിക ജീവിതത്തിൽ പ്രവർത്തികമാകുവാനും, പരിപോഷിപ്പിക്കുന്നതിനും സഹായിക്കുന്നതിനും പകരം മസ്തിഷ്ക പ്രഷാളനത്തിലൂടെ ജനങ്ങളിൽ അനൈക്യവും ,അരാജകത്വവും , അന്ധവിശ്വാസങ്ങളും വളർത്തുവാനാണ് ദന്ത ഗോപുരങ്ങളിൽ വിരാജിക്കുന്ന മതരാഷ്ട്രിയക്കോമരങ്ങൾ മൽത്സരിച്ചത് ...

കേരളത്തിലെ ജാതിമതരാഷ്ട്രീയ നേതാക്കളുടെ ആജ്ഞേയവർത്തികളും , ചട്ടുകങ്ങളുമാകാതെ അവർ പടുത്തുയർത്തുന്ന കൊട്ടകത്തളങ്ങളും, ചങ്ങലകളും പൊട്ടിച്ചെറിയുവാനും , സമത്വത്തിന്റെയും പുരോഗതിയുടെയും ചിന്തകൾ വിതറി കൊണ്ട് , മനുഷ്യ രാശി നേരിടുന്ന പ്രതിസന്ധികളെയും,

അന്ധവിശ്വാസങ്ങളെയും , അനാചാരങ്ങളെയും , ചൂഷണങ്ങളെയും ശാസ്ത്രത്തിന്റെ അടിത്തറയിൽ നിന്നുകൊണ്ടു വിശകലനം ചെയ്ത് തരണംചെയ്യുവാനാണ് ജാതിമതവർഗ്ഗലിംഗ വ്യത്യസമില്ലാതെ ജനങ്ങൾ എന്നും 'എസ്സെൻസ് ക്ലബ്ബിന്റെ' പ്രവർത്തനങ്ങളുമായി കൈകോർത്തുവരുന്നത്...

ജനസേവനമെന്ന വ്യാജേന ജാതിമത പ്രീണനങ്ങളിലൂടെ പണസമാഹരണത്തിനും , വോട്ടുബാങ്കിനും വേണ്ടി

ജാതി മത രാഷ്ട്രീയ നേതാക്കൾ ഗ്രേറ്റ് ബ്രിട്ടണിൽ ഉടനീളം കഴുകന്മാരെപോലെ മലയാളികളെത്തേടി വട്ടമിട്ടുപറക്കുമ്പോൾ ശാസ്ത്രപ്രബോധനം എന്ന ഒറ്റലക്ഷ്യത്തോടെ മാത്രമാണ് അഗാധ പാണ്ഡിത്യമുള്ള , ഏഴിലധികം വിഷയങ്ങളിൽ ബിരുദാനന്തര ബിരുദം കരസ്ഥമാക്കിയിട്ടുള്ള , കഴിഞ്ഞവർഷത്തെ ഏറ്റവും മികച്ച ശാസ്ത്ര പ്രചാരകനുള്ള കേരള സംസ്ഥാന പുരസ്‌കാര ജേതാവായ പ്രൊഫ: സി. രവിചന്ദ്രൻ ബ്രിട്ടണിൽ സന്ദർശനത്തിന് വരുന്നത്.

കേരളത്തിലും പുറത്തുമായി അനേകം വിഷയാധിഷ്ഠിത സംവാദങ്ങൾ നടത്തിയിട്ടുള്ള , ആയിരത്തിലധികം വേദികളിൽ പ്രഭാഷകനായിട്ടുള്ള സി . രവിചന്ദ്രന് , തന്റെ കൃതിയായ ' ബുദ്ധനെ എറിഞ്ഞ കല്ലിന് ' ഈ വർഷത്തെ കേരള സാഹിത്യ അക്കാദമി പുരസ്കാരവും ലഭിച്ചിട്ടുണ്ട് .ഒപ്പം ഈ ചിന്തകന്റെ പുറത്തിറങ്ങിയിട്ടുള്ള ഏഴോളം പുസ്തകങ്ങളും ,അനേകം വീഡിയോ പ്രഭാഷണങ്ങളും എന്നുമെന്നോണം ധാരാളം ആളുകൾ വായിക്കുകയും ,വീക്ഷിക്കുകയും ,സകലമാന സോഷ്യൽ മീഡിയകളിലൂടെയും ആയതുകളെല്ലാം എങ്ങും ചർച്ച ചെയ്തുകൊണ്ടിരിക്കുന്നു ...

വ്യാജ ചികിത്സാ വിദഗ്ദ്ധരും , ആൾ ദൈവങ്ങളും പ്രചരിപ്പിക്കുന്ന അബദ്ധ ധാരണകളും, വിശ്വാസങ്ങളും പൊളിച്ചടുക്കി ചൂഷണ വിമുക്തമായ സമൂഹത്തിനു വേണ്ടി കയ്‌പേറിയ അപ്രിയ സത്യങ്ങൾ മുഖം നോക്കാതെ വീറോടെ സമൂഹ മദ്ധ്യത്തിൽ അവതരിപ്പിക്കുന്ന കേരളത്തിലെ അപൂർവ വ്യക്തിത്വത്തിന് ഉടമയായ പ്രൊ:സി .രവിചന്ദ്രന്റെ പ്രബോധനങ്ങൾ നേരിട്ടു കേൾക്കുവാനും , ആശയ സംവാദനത്തിനുമുള്ള സുവർണ്ണാവസരമായിട്ടുള്ള - യു.കെ യിൽ , അടുത്തമാസം വിവിധ വേദികളിൽ അരങ്ങേറുവാൻ പോകുന്ന ' Renaissence 18 ' എന്ന പരിപാടികളിലേക്ക് , എല്ലാ യു.കെ മലയാളികളെയും ' എസ്സെൻസ് ക്ലബ്ബ് ' ഹാർദ്ദവമായി സ്വാഗതം ചെയ്യുന്നു. .

യു.കെ യിലെ വിവിധ നഗരങ്ങളിൽ നടക്കുന്ന പ്രധാനപ്പെട്ട പരിപാടികൾ താഴെപ്പറയുന്നവയാണ് .

1 . ഹ്യൂമനിസം അൺപ്ലഗ്ഗ്ഡ് .

2018 മെയ് 14 , തിങ്കളാഴ്ച്ച , 4 pm - 9 pm

വൈൻ കോൺഫറൻസ് സെന്റർ ,

131 , ഗർവോക്‌ ഹിൽ ,

ഡാൺഫേം ലൈൻ .

എഡിൻബർഗ് .

KY11 4JU .

ഫോൺ - 07443892438

- 07727406149

2 . സ്റ്റീഫൻ ഹോക്കിങ് അനുസ്മരണ സമ്മേളനം

2018 മെയ് 16 , ബുധനാഴ്‌ച്ച , 6 pm - 9 pm .