ബിഷപ്പ് ഫ്രാങ്കോ മുളയ്ക്കലിനെതിരെ പരാതിക്കാരിയായ കന്യാസ്ത്രീ ദേശീയ, സംസ്ഥാന വനിതാ കമ്മിഷനുകളെയും മനുഷ്യാവകാശ കമ്മിഷനെയും സമീപിച്ചു. സമൂഹമാധ്യമങ്ങളിലൂടെ ബിഷപ്പും അനുയായികളും അപമാനിക്കുന്നതായി പരാതി നല്കി. അനുയായികളിലൂടെ യൂട്യൂബ് ചാനലുകളുണ്ടാക്കി ഫ്രാങ്കോ മുളക്കല് അപമാനിക്കുകയും ഭീഷണിപ്പെടുത്തുകയും ചെയ്യുന്നുവെന്നാണ് കന്യാസ്ത്രീയുടെ പരാതി.
ഫ്രാങ്കോ കേസില് ഇതുവരെ എട്ട് അനുബന്ധ കേസുകളാണ് രജിസ്റ്റര് ചെയ്തിട്ടുള്ളത്. ഇരയാക്കപ്പെട്ട കന്യാസ്ത്രീയെ സ്വാധീനിക്കാനും ഭീഷണിപ്പെടുത്താനും അപമാനിക്കുവാനും ശ്രമിച്ചവര്ക്കെതിരെയാണ് കേസ് നല്കിയിട്ടുള്ളത്.
കേസ് രജിസ്റ്റര് ചെയ്തതിന് ശേഷം ഫ്രാങ്കോ മുളക്കലിന്റെ തന്നെ നേതൃത്വത്തില് ആരംഭിച്ച യുട്യൂബ് ചാനലാണ് ക്രിസ്റ്റ്യന് ടൈംസ്. ഈ ചാനലിനെതിരെ കുറവിലങ്ങാട് പൊലീസ് കേസ് രജിസ്റ്റര് ചെയ്ത് അന്വേഷണം നടത്തുന്നതിനിടയില് വീണ്ടും ഇരയെ സമൂഹമാധ്യമത്തില് തിരിച്ചറിയുന്നതിനിടയാക്കുന്ന തരത്തിലും അപകീര്ത്തിപ്പെടുത്തുന്ന വിധത്തിലും വീഡിയോകള് ഇറക്കുന്നതില് മനം നൊന്താണ് കന്യാസ്ത്രീ ഇപ്പോള് പരാതി നല്കിയിരിക്കുന്നത്.
അനുബന്ധ കേസുകളിലെ പ്രതികള് നടത്തുന്ന ആക്ഷേപം പരാതിക്കാരിയെ മാനസികമായി തകര്ക്കുന്നതിനും സമൂഹമധ്യത്തില് ഒറ്റപ്പെടുത്തുന്നതിനുമുള്ള ആസൂത്രിതമായ ശ്രമമാണ്. ഇതിനെതിരെ നിയമ നടപടികള് വേണമെന്ന് കൗണ്സില് ആവശ്യപ്പെട്ടു.