ഡല്ഹി കലാപത്തിന് പിന്നാലെ താന് നടത്തിയത് വിദ്വേഷ പ്രസംഗമല്ലെന്ന് ബിജെപി നേതാവ് കപില് മിശ്ര. റോഡ് ഗതാഗത യോഗ്യമാക്കണം എന്ന് പൊലീസ് ഉദ്യോഗസ്ഥനോട് ആവശ്യപ്പെടുക മാത്രമാണ് ചെയ്തതെന്ന് കപില് മിശ്ര പറഞ്ഞു.
റോഡ് തടയുന്നവരെ നീക്കം ചെയ്യണം എന്ന് ആവശ്യപ്പെടുന്നവരെ തീവ്രവാദികള് എന്ന് വിളിക്കുന്നത് പക്ഷപാതമാണെന്നും കപില് മിശ്ര കുറ്റപ്പെടുത്തി. വിദ്വേഷ പ്രസംഗം നടത്തിയ ബിജെപി നേതാക്കള്ക്കെതിരെ കേസ് എടുക്കണമെന്ന് ദില്ലി ഹൈക്കോടതി നിര്ദ്ദേശിച്ചിരുന്നു.
കപില് മിശ്ര, അനുരാഗ് ഠാക്കൂര്, പര്വേഷ് വര്മ്മ, അഭയ് വര്മ്മ എന്നിവരുടെ പ്രസംഗങ്ങള് പരിശോധിച്ച് ഉചിതമായ നടപടി എടുക്കാനായിരുന്നു ദില്ലി പൊലീസിന് ജസ്റ്റിസ് മുരളീധര് നിര്ദ്ദേശം നല്കിയത്.
പൗരത്വ ഭേദഗതി നിയമത്തിന് എതിരെ സമരം ചെയ്യുന്നവരെ മാറ്റിയില്ലെങ്കില് ബാക്കി ഞങ്ങള് നോക്കും എന്ന കപില് മിശ്രയുടെ പരാമര്ശത്തെ തുടര്ന്നാണ് ഡല്ഹിയില് സമാധാനപരമായി നടന്നിരുന്ന പ്രതിഷേധം രക്തച്ചൊരിച്ചിലേക്ക് മാറിയത്.