2018 ല്‍ പുറത്തിറങ്ങിയ ചിത്രത്തില്‍ ഏറ്റവും ശ്രദ്ധിക്കപ്പെട്ട ഈ ഗാനമായിരുന്നു മാരി 2 ലെ റൗഡി ബേബി. ദിവസങ്ങള്‍ക്ക് മുമ്പായിരുന്നു ഗാനം 1ബില്യണ്‍ ക്ലബ്ബില്‍ ഇടം പിടിച്ചത്
ഈ വലിയ നേട്ടം അണിയറ പ്രവര്‍ത്തകര്‍ ആഘോഷമാക്കുകയും ചെയ്തിരുന്നു. ഇതിന്റെ ഭാഗമായി അണിയറപ്രവര്‍ത്തകര്‍ സ്‌പെഷല്‍ പോസ്റ്റര്‍ പുറത്തിറക്കിയിരുന്നു. ഇതാണ് ഇപ്പോള്‍ വിവാദം സൃഷ്ടിച്ചിരിക്കുന്നത്.
'റൗഡി ബേബി 1 ബില്യണ്‍ വ്യൂസ്' എന്നെഴുതി, ഗിറ്റാര്‍ പിടിച്ചു നില്‍ക്കുന്ന ധനുഷിന്റെ മാത്രം ചിത്രമായിരുന്നു പോസ്റ്റിറില്‍. അതാണ് സായ് പല്ലവിയുടെ ആരാധകരെ ചൊടിപ്പിച്ചത് .
സായ് പല്ലവി ഇല്ലെങ്കില്‍ റൗഡി ബേബി ഇല്ലെന്നാണ് ആരാധകര്‍ പറയുന്നത് . പോസ്റ്ററിനെ വിമര്‍ശിച്ച് പ്രമുഖരും രംഗത്തെത്തിയിട്ടുണ്ട്. സായ് പല്ലവിയുടെ അസാന്നിധ്യം വലിയ ചര്‍ച്ചയായിട്ടുണ്ട്.
