ആരാധകരുടെ കാത്തിരിപ്പുകള്ക്കും അഭ്യൂഹങ്ങള്ക്കും വിരാമമിട്ട് രാഷ്ട്രീയ പ്രവേശനം പ്രഖ്യാപിച്ച് രജനീകാന്ത്.
തമിഴ്നാട്ടില് അത്ഭുതങ്ങള് സംഭവിക്കുമെന്നും ഭരണം പിടിക്കുമെന്നും സൂപ്പര്സ്റ്റാര് രജനീകാന്ത്. മാറ്റങ്ങള്ക്ക് സമയമായിരിക്കുകയാണ്. ആത്മീയ രാഷ്ട്രീയം വിജയം കാണുമെന്നുറപ്പാണെന്നും രജനികാന്ത് പ്രത്യാശ പ്രകടിപ്പിച്ചു.
'തമിഴ് ജനതയ്ക്ക് വേണ്ടി എന്റെ ജീവന് പോലും ത്യജിക്കാന് ഞാന് തയ്യാറാണ്. ഇത് ഇപ്പോള് അല്ലെങ്കില് പിന്നെ ഒരിക്കലുമില്ല', രജനികാന്ത് കൂട്ടിച്ചേര്ത്തു. താന് ജയിച്ചാല് ജനങ്ങളുടെ ജയമായിരിക്കുമെന്നും, തോറ്റാല് ജനങ്ങളുടെ തോല്വിയായിരിക്കുമെന്നും രജനികാന്ത് പറഞ്ഞു.
ഡിസംബര് 31നാകും രജനീകാന്തിന്റെ പാര്ട്ടിയുടെ പ്രഖ്യാപനം. 2021 ജനുവരിയില് പാര്ട്ടി പ്രവര്ത്തനം ആരംഭിക്കും.