കേരളം ഇന്ന് പോളിങ് ബൂത്തിലേക്ക്. 140 നിയമസഭാ നിയോജക മണ്ഡലങ്ങളിലായി 2,74,46,039 വോട്ടര്മാരാണ് ഇത്തവണ ജനവിധിയെഴുതുന്നത്. 40,771 പോളിംഗ് സ്റ്റേഷനുകളാണ് തയ്യാറാക്കിയിട്ടുള്ളത്. കൊവിഡ് സാഹചര്യം കണക്കിലെടുത്ത് ഒരു ബൂത്തില് പരമാവധി 1000 വോട്ടര്മാരെ മാത്രമാണ് അനുവദിക്കു. 957 സ്ഥാനാര്ത്ഥികളാണ് മത്സര രംഗത്ത് ഉള്ളത്.
രാവിലെ ഏഴ് മണി മുതല് വൈകീട്ട് ഏഴ് വരെയാണ് വോട്ടെടുപ്പ്. അവസാന ഒരു മണിക്കൂറില് കൊവിഡ് രോഗികള്ക്കും പ്രാഥമിക സമ്പര്ക്കപട്ടികയില് ഉള്ളവര്ക്കും വോട്ട് രേഖപ്പെടുത്താന് അവസരം ഒരുക്കിയിട്ടുണ്ട്. മെയ് രണ്ടിനാണ് വോട്ടെണ്ണല്.
ഇരട്ടവോട്ട് തടയാന് കര്ശന നടപടിയാണ് ഉള്ളത്.വോട്ടറുടെ ഒപ്പിന് പുറമേ ഇത്തവണ വിരലടയാളവും രേഖപ്പെടുത്തും. എഎസ്ഡിപട്ടിക പോളിംഗ് ഉദ്യോഗസ്ഥര്ക്ക് കൈമാറി. പട്ടികയിലുള്ളവര് വോട്ടു ചെയ്യാനെത്തിയാല് ഫോട്ടോയെടുക്കും. ഒപ്പിന് പുറമേ രജിസ്റ്ററില് വിരലടയാളവും രേഖപ്പെടുത്തും. വിരലിലെ മഷിയുണങ്ങിയ ശേഷമേ ബൂത്തു വിട്ടു പോകാന് അനുവദിക്കൂ.
ഇരട്ട വോട്ട് ചെയ്താല് ഐപിസി 171 ഡി വകുപ്പ് പ്രകാരം നടപടി നേരിടേണ്ടി വരുമെന്ന് തെരഞ്ഞെടുപ്പ് കമ്മീഷന് മുന്നറിയിപ്പ് നല്കി. ഒരു വര്ഷം വരെ തടവോ പിഴയോ രണ്ടും കൂടിയോ ലഭിക്കാവുന്ന കുറ്റമാണ് ഇരട്ടവോട്ട്.