ജൂലൈ മാസ രണ്ടാം ശനിയാഴ്ച്ച കണ്വെന്ഷന് നാളെ നടക്കും . .ഈശോയുടെ തിരു:രക്തത്തിന്റെ ശാശ്വത സംരക്ഷണം മാനവരാശിയെ നിത്യ രക്ഷയിലേക്ക് നയിക്കുന്ന സുവിശേഷം പ്രഘോഷിക്കാന് സെഹിയോനില് ഒരുക്കങ്ങള് പൂര്ത്തിയായി . സെഹിയോന് യുകെ മിനിസ്ട്രിയുടെ നേതൃത്വത്തില് ലോക സുവിശേഷവത്ക്കരണം ലക്ഷ്യമാക്കി യുകെ യില് നിന്നും കത്തിപ്പടര്ന്ന വിവിധങ്ങളായ ശുശ്രൂഷകള്ക്ക് ജീവവായുവായി നിലനില്ക്കുന്ന , റവ. ഫാ . സോജി ഓലിക്കല് തുടക്കമിട്ട , പ്രതിമാസ രണ്ടാം ശനിയാഴ്ച്ച ബൈബിള് കണ്വെന്ഷന് , വര്ത്തമാനകാല പ്രതിബന്ധങ്ങളെയും മഹാമാരിയുടെ പ്രത്യാഘാതത്തെയും യേശുവില് അതിജീവിച്ച് ,പ്രത്യാശയുടെ നാളെയെ പകര്ന്നുകൊണ്ട് ഓണ്ലൈനിലാണ് ഇത്തവണയും നടക്കുക.
പ്രശസ്ത വചന പ്രഘോഷകനും ആധ്യാത്മിക ശുശ്രൂഷകനുമായ സെഹിയോന് യുകെയുടെ ആത്മീയ പിതാവ് റവ.ഫാ. ഷൈജു നടുവത്താനിയില് നയിക്കുന്ന , വിവിധ ഭാഷാ ദേശക്കാരായ അനേകര് പങ്കെടുത്തുവരുന്ന , കണ്വെന്ഷനില് വര്ത്തമാന കാലത്തിന്റെ ദൈവികോപകരണമായി വര്ത്തിച്ചുകൊണ്ട് നവസുവിശേഷവത്ക്കരണത്തിനായുള്ള ഗ്രേറ്റ് ബ്രിട്ടന് സീറോ മലബാര് രൂപത ഇവാഞ്ചലൈസേഷന് കമ്മീഷന് ചെയര്പേഴ്സണ് , പ്രശസ്ത വചന ശുശ്രൂഷകയും ധ്യാന ഗുരുവുമായ സി. ആന് മരിയ എസ് എച്ച് , യൂറോപ്പിലെ പ്രമുഖ ആത്മീയ ശുശ്രൂഷകന് ബ്രദര് ആന്ഡ്രൂ ഫവ ( Cor et Lumen Christi ), സെഹിയോന് യുകെയുടെ മുഴുവന് സമയ ശുശ്രൂഷക രജനി മനോജ് എന്നിവര് മലയാളത്തിലും ഇംഗ്ലീഷിലുമുള്ള ശുശ്രൂഷകളില് പങ്കെടുക്കും .
മഹാമാരിയുടെ പ്രതികൂല സാഹചര്യത്തെ തരണം ചെയ്യാന് പ്രാര്ത്ഥനയിലൂടെയും പരിത്യാഗത്തിലൂടെയും , മാനവരാശിയെ പ്രത്യാശയിലേക്കും നിത്യ രക്ഷയിലേക്കും നയിക്കുകയെന്ന വര്ത്തമാനകാലത്തിന്റെ ആവശ്യകതയെ മുന്നിര്ത്തിയാണ് ഇത്തവണയും കണ്വെന്ഷന് നടക്കുക . കുട്ടികള്ക്കും ടീനേജുകാര്ക്കും സെഹിയോന് യുകെ യുടെ കിഡ്സ് ഫോര് കിങ്ഡം , ടീന്സ് ഫോര് കിങ്ഡം ടീമിന്റെ നേതൃത്വത്തില് പ്രത്യേക ശുശ്രൂഷയും ക്ലാസ്സുകളും ഉണ്ടായിരിക്കും.
അത്ഭുതകരമായ വിടുതലും രോഗശാന്തിയും ജീവിത നവീകരണവും ഓരോതവണയും സംഭവിച്ചുകൊണ്ടിരിക്കുന്ന കണ്വെന്ഷനില് യുകെ സമയം രാവിലെ 9 മുതല് ഉച്ചയ്ക്ക് 12 മണിവരെയായിരിക്കും മലയാളം കണ്വെന്ഷന് .12 മുതല് 2 വരെ കുട്ടികള്ക്കും 2 മണിമുതല് 4 വരെ ഇംഗ്ലീഷിലും കണ്വെന്ഷന് നടക്കും . യുകെ സമയത്തിന് ആനുപാതികമായി വിവിധ രാജ്യങ്ങളില് സമയക്രമം വ്യത്യസ്തമായിരിക്കും.
WWW.SEHIONUK.ORG/LIVE എന്ന വെബ്സൈറ്റിലും സെഹിയോന് യൂട്യൂബ് , ഫേസ്ബുക്ക് പേജുകളിലും ശുശ്രൂഷ ലൈവ് ആയി കാണാവുന്നതാണ്.8894210945 എന്ന ZOOM പ്രയര് ലൈന് നമ്പര് വഴി സ്പിരിച്വല് ഷെയറിങ്ങിനും കണ്വെന്ഷനിലുടനീളം സൗകര്യമുണ്ടായിരിക്കും.
രോഗ പീഡകള്ക്കെതിരെ പ്രാര്ത്ഥനയുടെ കോട്ടകള് തീര്ത്തുകൊണ്ട് ,ദേശ ഭാഷാ വ്യത്യാസമില്ലാതെ അനേകര് പങ്കെടുക്കുന്ന , വി. കുര്ബാന,വചന പ്രഘോഷണം, ആരാധന എന്നിവ ഉള്പ്പെടുന്ന രണ്ടാം ശനിയാഴ്ച്ച ബൈബിള് കണ്വെന്ഷനിലേക്ക് നാളെ ജൂലൈ 10 ശനിയാഴ്ച്ച രാവിലെ 9 മുതല് സെഹിയോന് മിനിസ്ട്രി യേശുനാമത്തില് ഏവരെയും ക്ഷണിക്കുന്നു.
കൂടുതല് വിവരങ്ങള്ക്ക്
ജോണ്സണ് ?+44 7506 810177?
അനീഷ് ?07760 254700?
ബിജുമോന് മാത്യു ?07515 368239?