CURRENCY RATE -
1 GBP :
0.00 INR
1 EUR :
0.00 INR
1 USD :
0.00 INR
Last Updated :
13 Hours 37 Minutes 1 Seconds Ago
Breaking Now

കാര്‍ഡിഫില്‍ കേരളത്തിന്റെ രുചികൂട്ടുകളുമായി 'ലിറ്റില്‍ കൊച്ചി ' .

ഹൗസ് ബോട്ടുകളെ അനുകരിച്ചാണ് റെസ്റ്റോറന്റിന്റെ ഉള്‍വശം രൂപകല്‍പ്പന ചെയ്തിരിക്കുന്നത്.

വെയില്‍സിന്റെ തലസ്ഥാനമായ കാര്‍ഡിഫ്, ഇന്ത്യന്‍ റെസ്റ്റോറന്റുകള്‍ക്ക് വളരെ പ്രശസ്തമായ സിറ്റി ആണ്. കാര്‍ഡിഫിലെ  മിക്ക തെരുവുകളിലും ബംഗ്ലാദേശികളും പാക്കിസ്ഥാനികളും അതുപോലെ ഇന്ത്യക്കാരും നടത്തുന്ന ധാരാളം റസ്റ്റോറന്റുകള്‍ ഉണ്ട്. മലയാളികള്‍ നടത്തുന്ന വേറെയും നോര്‍ത്ത്‌സൗത്ത് ഇന്ത്യന്‍ റസ്റ്റോറന്റുകള്‍ ഉണ്ട്. ഇങ്ങനെ വളരെ കോംപെറ്റീഷന്‍ ഉള്ള മേഖലയിലേക്കാണ് കാര്‍ഡിഫിലെ ഇന്ത്യന്‍ സ്റ്റോര്‍ ഉടമയായ ശ്രീ സണ്ണി പൗലോസിന്റെ മകന്‍ ആല്‍ബിന്‍ പുതിയ ആശയവുമായി 'ലിറ്റില്‍ കൊച്ചി' എന്ന പേരില്‍ പുതിയ റെസ്റ്റോറന്റ്  കാര്‍ഡിഫില്‍ ഇന്ന് തുറന്നിരിക്കുന്നത്.

25 കാരനായ ആല്‍ബിന്‍ സണ്ണി ലണ്ടനിലെ ഒരു ടെക് കമ്പനിയില്‍ മുഴുവന്‍ സമയവും ജോലി ചെയ്യുകയായിരുന്നു, രാവിലെ 9 മുതല്‍ വൈകുന്നേരം 5 വരെയുള്ള സാധാരണ ജോലിയല്ലാതെ മറ്റെന്തെങ്കിലും ചെയ്യാന്‍ തീരുമാനിക്കുകയാണ് ചെയ്തത്.

റസ്റ്റോറന്റ് എന്ന ആശയം യാഥാര്‍ത്ഥ്യമാകുന്നതിനായി ആല്‍ബിന്‍ തന്റെ അടുത്ത സുഹൃത്തും ഭാവി റെസ്റ്റോറന്റിന്റെ ജനറല്‍ മാനേജരുമായ മെല്‍വിന്‍ മാത്യുവുമായി കൈകോര്‍ത്തു. കാര്‍ഡിഫ് മെട്രോപൊളിറ്റന്‍ യൂണിവേഴ്‌സിറ്റിയില്‍ എംബിഎ പഠിക്കാന്‍ യുകെയില്‍ എത്തിയ മെല്‍വിന്‍ ആല്‍ബിന്റെ അച്ഛന്റെ കടയില്‍ ജോലി ചെയ്യാന്‍ തുടങ്ങി. ഇരുവരും തങ്ങളുടെ സ്വന്തം ബിസിനസ്സ് ആരംഭിക്കാന്‍ ആവേശഭരിതരായിരുന്നു, ഇത് നിരവധി ആശയങ്ങളിലേക്ക് നയിച്ചു, ഒടുവില്‍ ഇരുവരും ഒരു റെസ്റ്റോറന്റ് തുറക്കാന്‍ തീരുമാനിച്ചു, അത് അവരുടെ ശക്തി പരീക്ഷിക്കുന്നതിനുള്ള മികച്ച ഓപ്ഷനാണെന്ന് അവര്‍ വിശ്വസിച്ചു. അങ്ങനെ ലിറ്റില്‍ കൊച്ചി  പിറന്നു.

ഇരുവരും കാര്‍ഡിഫിലെയും ബ്രിസ്റ്റോളിലെയും ഇന്ത്യന്‍ റെസ്റ്റോറന്റുകള്‍ സന്ദര്‍ശിച്ച് രുചി പരീക്ഷിക്കാന്‍ തുടങ്ങി, മിക്ക വിഭവങ്ങളും വടക്കന്‍, ദക്ഷിണേന്ത്യന്‍ പാചകരീതികളുടെ സംയോജനമാണെന്ന് കണ്ടെത്തി, അത് ലിറ്റില്‍ കൊച്ചിയില്‍ വിളമ്പാന്‍ ആഗ്രഹിക്കുന്നില്ലാ എന്ന് അവര്‍ തീരുമാനിച്ചു. 

കേരളത്തില്‍ നിന്നുള്ള എല്ലാ പാചക വിദഗ്ധരും കേരളത്തില്‍ നിന്ന് നേരിട്ട് കൊണ്ടുവരുന്ന സുഗന്ധവ്യഞ്ജനങ്ങളും ഉപയോഗിച്ച് ആധികാരികമായ ഭക്ഷണപാനീയങ്ങള്‍ ലഭ്യമാക്കാനാണ് ലിറ്റില്‍ കൊച്ചിയുടെ പദ്ധതി. ദക്ഷിണേന്ത്യന്‍ വിസ്‌കിയും ബ്രാണ്ടിയും ലിറ്റില്‍ കൊച്ചിയില്‍ ലഭിക്കും.

കേരളത്തിലെ കായലുകളില്‍ കാണപ്പെടുന്ന ഹൗസ് ബോട്ടുകളെ അനുകരിക്കുന്നതിനാണ് റെസ്റ്റോറന്റിന്റെ ഉള്‍വശം രൂപകല്‍പ്പന ചെയ്തിരിക്കുന്നത്. ഇന്ത്യയില്‍ നിന്ന് ഇറക്കുമതി ചെയ്ത മുളകൊണ്ടുള്ള പായകള്‍ ചുവരുകളില്‍ മൂടിയിരിക്കുന്നു.

78 ആല്‍ബനി റോഡ്, കാര്‍ഡിഫ്, CF24 3RS എന്ന സ്ഥലത്താണ് ലിറ്റില്‍ കൊച്ചി സ്ഥിതി ചെയ്യുന്നത്. കാര്‍ഡിഫിലെ  മലയാളികള്‍ക്കിനി കേരളതനിമയോടെയുള്ള കേരളകുസിന്‍സ്  ലിറ്റില്‍ കൊച്ചിയില്‍ രുചിക്കാം.

 

(ബെന്നി അഗസ്റ്റിന്‍)

 

 




കൂടുതല്‍വാര്‍ത്തകള്‍.