ആന്റണിയും സുചിത്രയും ഒരേ സമയത്താണ് തന്റെ ജീവിതത്തിലേയ്ക്ക് എത്തിയതെന്ന് മോഹന്‍ലാല്‍. മോഹന്‍ലാലിന്റെ ഡ്രൈവറായിട്ടെത്തിയ ആന്റണി പിന്നീട് നിര്‍മാതാവായി വളര്‍ന്നിരുന്നു. മോഹന്‍ലാലിന്റെ സഹായിയായെത്തിയ ആന്റണിയെപ്പറ്റി നടന്‍ പറയുന്ന വാക്കുകളാണ് പ്രേക്ഷക ശ്രദ്ധ നേടുന്നത്. നടന്‍ സിദ്ധിഖിനൊപ്പം നടത്തിയ മോഹന്‍ലാലിന്റെ പഴയ അഭിമുഖമാണ് സോഷ്യല്‍ മീഡിയയില്‍ വിണ്ടും വൈറലായി മാറുന്നത്. ആന്റിണിയും സുചിത്രയും ഒന്നിച്ചാണ് തന്റെ ജീവിതത്തിലേയ്ക്ക് വന്നത്.
മൂന്നാംമുറ സിനിമയുടെ ഷൂട്ടിങ്ങ് സമയത്താണ് ആന്റിണിയെ താന്‍ കാണുന്നത്. അന്ന തനിക്ക് പേഴ്‌സണല്‍ കാര്‍ ഡ്രൈവറൊന്നും ഇല്ല. അദ്ദേഹത്തെ കണ്ടപ്പോള്‍ പ്രത്യേക ഇഷ്ടം തോന്നി അങ്ങനെ കാറിന്റെ ഡ്രൈവറാകാമൊയെന്ന് ചോദിച്ചു . ആന്റണി സമ്മതിച്ചു. ആ സമയത്താണ് തന്റെ കല്യാണം നടക്കുന്നത്. ആന്റണിയും വന്നു. ഭാര്യയും ആന്റണിയും ഏകദേശം ഒരുമിച്ചാണ് തന്റെ ജീവിതത്തിലേക്ക് വരുന്നതെന്നും മോഹന്‍ലാല്‍ പറഞ്ഞു.
അത് ചെയ്യണം, ഇത് ചെയ്യണം എന്നൊക്കെ പറഞ്ഞ് ഭാര്യ എഴുതി കൊടുക്കുന്നതൊക്കെ ആന്റണി തന്നെകൊണ്ട് ചെയ്യിപ്പിക്കാന്‍ ബുദ്ധിമുട്ടിയിട്ടുണ്ടെന്നും അദ്ദേഹം കൂട്ടിച്ചേര്‍ത്തു. മോഹന്‍ലാലിന്റെ കൂടെ എല്ലാത്തിനും പിന്നില്‍ നില്‍ക്കണം. എന്നാലേ അദ്ദേഹമത് ചെയ്യുകയുള്ളു. രാവിലെ എഴുന്നേല്‍ക്കണമെങ്കില്‍ പോലും പോയി വിളിക്കമായിരുന്നെന്ന് ആന്റണി പറയുന്നു.
ആരെയെങ്കിലും സഹായിച്ചാല്‍ അത് മറ്റുള്ളവര്‍ അറിയരുതെന്ന് ആഗ്രഹിക്കുന്ന വ്യക്തിയാണ് ലാല്‍ സാര്‍. എല്ലാവരും വെളിയിലുള്ള ആള്‍ക്കാര്‍ അറിയാന്‍ വേണ്ടിയാണ് ഓരോ കാര്യങ്ങളും ചെയ്യുന്നത്. നമുക്ക് അവരെ ഇങ്ങനെ സഹായിക്കണമെന്ന് തന്നെ മാത്രം വിളിച്ച് പറയും. അത് പുറത്ത് ആരും അറിയില്ല. വന്ന കാലം മുതല്‍ എനിക്ക് ലാല്‍ സാറിനോട് വലിയ ആരാധന തോന്നിയ കാര്യമാണതെന്നും ആന്റണി കൂട്ടിച്ചേര്‍ത്തു
