യുകെയില് ഷോപ്പിങ് നടത്തവേ 27 കാരിയായ കുല്സുമ അക്തര് എന്ന യുവതി കത്തികൊണ്ട് കുത്തേറ്റ് കൊല്ലപ്പെട്ട സംഭവത്തില് പ്രതിയെന്ന് സംശയിക്കുന്ന 25 കാരനായ യുവാവ് ഹബിബുര് മാസൂമിനെ പൊലീസ് അറസ്റ്റ് ചെയ്തു.
കഴിഞ്ഞ ദിവസം യുവാവിന്റെ ചിത്രം പുറത്തുവിട്ടതോടെയാണ്അറസ്റ്റ് നടന്നത്.
യുകെയില് യൂണിവേഴ്സിറ്റി പഠനം പൂര്ത്തിയാക്കിയ ബംഗ്ലാദേശ് സ്വദേശിയാണ് ഹബിബുര് മാസൂമെന്ന് വെസ്റ്റ് യോര്ക്ക്ഷെയര് പൊലീസ് പറഞ്ഞു.
ബെക്കിങ്ഹാംഷെയറിലെ എയില്സ്ബറിയില് വച്ചായിരുന്നു അറസ്റ്റ്.
പ്രതിയെ സഹായിച്ചുവെന്ന് സംശയിക്കുന്ന മറ്റൊരു യുവാവിനെയും പൊലീസ് അറസ്റ്റ് ചെയ്തിരുന്നു. യുവതിയുടെ അഞ്ച് മാസം പ്രായമായ കുഞ്ഞിന് അരികില് തെരുവില് കൊല്ലപ്പെട്ട നിലയിലാണ് പൊലീസ് മൃതദേഹം കണ്ടെത്തിയത്.ബ്രാഡ്ഫോര്ഡില് നടന്ന ഗുരുതരമായ ആക്രമണത്തിലെ പ്രതി കുഞ്ഞിന്റെ അച്ഛനാണെന്നും യുവതിയെ ആക്രമിച്ച കേസില് ജയില്ശിക്ഷ അനുഭവിച്ചയാളാണെന്നും റിപ്പോര്ട്ടുണ്ട്.