കലാതിലകമായി ഉഴവൂര് കൈതക്കല് സെലിനി റോയിനെയും കലാപ്രതിഭയായി മടമ്പം തെയ്യത്തേട് അലന് എബ്രഹാമിനെയും തെരഞ്ഞെടുത്തു. ഈ രണ്ടു പ്രതിഭകളും കേംബ്രിഡ്ജ് ക്നാനായ കാത്തലിക് അസോസിയേഷനില് നിന്നുമുള്ളവരാണ്. കഴിഞ്ഞ ദിവസം അസോസിയേഷന്റെ മീറ്റിങ്ങില് വച്ച് യൂണിറ്റ് പ്രസിഡന്റ് തോമസ് കുഴിയം പറമ്പലിന്റെയും സെക്രട്ടറി ബിനോ പാവക്കുളത്തിന്റെയും മറ്റു അംഗങ്ങളുടെയും സാന്നിധ്യത്തില് ട്രോഫിയും സര്ട്ടിഫിക്കറ്റും നല്കി ഈ കലാകുരുന്നുകളെ അനുമോദിച്ചു.
ഇതുപോലുള്ള അനുമോദനങ്ങള് യുകെകെസിഎ യിലെ മറ്റു യൂണിറ്റിലെ കുട്ടികള്ക്കും അവരുടെ മാതാപിതാക്കള്ക്കും ഒരു മാതൃകയും പ്രചോദനവും ആകട്ടെ എന്ന് പ്രസിഡന്റ് തോമസ് കുഴിയം പറമ്പില് പറഞ്ഞു. തങ്ങള്ക്കുതന്ന അംഗീകാരത്തിനും പ്രോത്സാഹനത്തിനും കുട്ടികള് പ്രത്യേകം നന്ദി അറിയിച്ചു.