സുരേഷ് ഗോപി ചിത്രം കാവലിനായുളള കാത്തിരിപ്പിലാണ് പ്രേക്ഷകര്‍. സുരേഷ് ഗോപിയുടെ പിറന്നാള്‍ ദിനത്തില്‍ എത്തിയ 'കാവല്‍' ടീസറിന് മികച്ച പ്രതികരണമാണ് ലഭിച്ചത്. 15 ലക്ഷത്തിലധികം പേരാണ് ഇതുവരെ ടീസര്‍ കണ്ടത് 'കസബ'യ്ക്കു ശേഷം നിഥിന്‍ രണ്‍ജി പണിക്കര്‍ സംവിധാനം ചെയ്യുന്ന ചിത്രത്തില്‍ തമ്പാന്‍ എന്ന കഥാപാത്രമായാണ് സുരേഷ് ഗോപി എത്തുന്നത്.
കൊവിഡ് കാരണം നീണ്ടുപോയ ഒരാഴ്ചത്തെ ചിത്രീകരണം മാത്രമാണ് സിനിമയ്ക്ക് പൂര്‍ത്തിയാക്കാനുള്ളതെന്നും ഡബ്ബിംഗ് ഉള്‍പ്പെടെ മറ്റു ജോലികളെല്ലാം പൂര്‍ത്തിയായെന്നും റിപ്പോര്‍ട്ടുകള്‍ സൂചിപ്പിക്കുന്നു.
ജോബി ജോര്‍ജാണ് ഈ ചിത്രം നിര്‍മ്മിക്കുന്നത്. വര്‍ഷങ്ങള്‍ക്ക് ശേഷം വരനെ ആവശ്യമുണ്ട് എന്ന ചിത്രത്തിലൂടെയാണ് സുരേഷ് ഗോപി തിരികെ വന്നത്. എന്നാല്‍ മാസ് റോളിലേക്കുള്ള മടങ്ങി വരവായിരിക്കും കാവല്‍.
