പൃഥ്വിരാജ് ബ്ലെസി കൂട്ടുകെട്ടില് ഒരുങ്ങിയ ആടുജീവിതത്തിന്റെ പ്രീ സെയില്സ് ആരംഭിച്ചു. കേരളത്തിലെ എല്ലാ തിയേറ്ററുകളിലും മികച്ച ബുക്കിംഗ് ആണ് നടന്നു കൊണ്ടിരിക്കുന്നത്. ഇതുവരെ 63,116 ടിക്കറ്റുകളാണ് വിറ്റു പോയിരിക്കുന്നത്. ബുക്കിംഗ് ആരംഭിച്ചു 13 മണിക്കൂറിലാണ് ഇത്രയധികം ടിക്കറ്റുകള് വിറ്റു പോയത്.
പൃഥ്വിരാജ് കരിയറിലെ ഏറ്റവും ഉയര്ന്ന പ്രീ സെയില് കണക്കാണിത്. 1.03 കോടി ഗ്രോസ് കളക്ഷനും ചിത്രം ഇതിനോടകം നേടിയിട്ടുണ്ട്. മലയാളത്തിനു പുറമേ ഹിന്ദി, തമിഴ്, തെലുങ്ക്, കന്നഡ എന്നീ ഭാഷകളിലും ചിത്രം ഒരുങ്ങുന്നുണ്ട്. ചിത്രം തിയേറ്ററുകളില് എത്താന് ഇനി നാലു ദിവസം മാത്രം ബാക്കി നില്ക്കേ ബുക്കിങ്ങുകള് റെക്കോര്ഡ് ബ്രേക്ക് ചെയ്യും എന്നാണ് പുറത്തു വരുന്ന റിപ്പോര്ട്ടുകള്. ബുക്ക് മൈ ഷോയില് ആരാധകര് കാത്തിരുന്ന ചിത്രങ്ങളില് രണ്ടാം സ്ഥാനത്താണ് ആടുജീവിതം.