മുന് കേന്ദ്ര ആഭ്യന്തര മന്ത്രി ശിവരാജ് പാട്ടീല് അന്തരിച്ചു. 91 വയസ്സായിരുന്നു. മഹാരാഷ്ട്ര ലാത്തൂരിലെ വസതിയില് രാവിലെ 6:30 ഓടെയായിരുന്നു അന്ത്യം. രാജ്യത്തെ മുതിര്ന്ന കോണ്ഗ്രസ് നേതാക്കളിലൊരാളാണ്. ലോക്സഭാ സ്പീക്കര്, കേന്ദ്ര മന്ത്രിസഭയിലെ വിവിധ പ്രധാന വകുപ്പുകള് എന്നിവയുള്പ്പെടെ നിരവധി പ്രധാന സ്ഥാനങ്ങള് വഹിച്ചിട്ടുണ്ട്.
ദേശീയ രാഷ്ട്രീയത്തിലും കോണ്ഗ്രസ് രാഷ്ട്രീയത്തിലും ഏറെ സംഭാവനകള് ചെയ്ത നേതാവായിരുന്നു ശിവരാജ് പാട്ടീല്. പാര്ലമെന്റില് നിരന്തരം പല വിഷയങ്ങള് ഉന്നയിച്ചിരുന്ന ഇദ്ദേഹം നിരവധി തവണ പാര്ലമെന്റിലേക്ക് മത്സരിച്ച് എത്തുകയും ചെയ്തിരുന്നു. 1980ല് പാര്ലമെന്റില് എത്തിയ ശേഷം ശിവരാജ് പാട്ടീല് കേന്ദ്ര മന്ത്രിസഭയിലേക്ക് എത്തുകയും ചെയ്തു. ആദ്യം ഇന്ദിരാ?ഗാന്ധിയുടെ മന്ത്രിസഭയിലും പിന്നീട് രാജീവ്?ഗാന്ധിയുടെ മന്ത്രിസഭയിലും അം?ഗമായിരുന്നു. നെഹ്റു, ?ഗാന്ധി കുടുംബവുമായി അടുത്ത ബന്ധം പുലര്ത്തിയിരുന്നു. 1991ല് സ്പീക്കറായിരിക്കുമ്പോഴാണ് ലാത്തൂരില് ഭൂകമ്പം ഉണ്ടാകുന്നത്. അപ്പോള് ദുരന്തമുഖത്ത് നേരിട്ടെത്തുകയും രക്ഷാപ്രവര്ത്തനങ്ങള്ക്ക് നേതൃത്വം വഹിക്കുകയും ചെയ്തിരുന്നു.
2004ല് ശിവരാജ് പട്ടീല് ആഭ്യന്തരമന്ത്രിയായി. എന്നാല്, നാല് വര്ഷത്തിനുള്ളില് രാജിവെച്ചു. മുംബൈ ഭീകരാക്രമണത്തിന് ശേഷമുള്ള സാഹചര്യങ്ങളുടെ അടിസ്ഥാനത്തിലായിരുന്നു രാജി വെച്ചത്. പിന്നീട് പഞ്ചാബ് ?ഗവര്ണര്, ഛണ്ഡി?ഗഡില് അഡ്മിനിസ്ട്രേറ്റര് തുടങ്ങിയ പദവികള് വഹിക്കുകയും ചെയ്തു.
