ലണ്ടന്‍: വിദ്യാഭ്യാസത്തിനും തൊഴിലിനുമായി കുടിയേറ്റം വര്‍ദ്ധിച്ചുവരുന്ന സാഹചര്യത്തില്‍ സുശക്തമായ ഒരു നവകേരള സൃഷ്ടിക്ക് പ്രവാസി സമൂഹത്തിന്റെ പിന്തുണ അനിവാര്യമാണെന്ന് കേരള കോണ്‍ഗ്രസ് സ്റ്റേറ്റ് കോഡിനേറ്റര്‍ അപു ജോണ്‍ ജോസഫ്. പ്രവാസി കേരള കോണ്‍ഗ്രസ് യുകെ നേതൃയോഗവും ഭാരവാഹി തെരഞ്ഞെടുപ്പും ഉദ്ഘാടനം ചെയ്ത് സംസാരിക്കുകയായിരുന്നു ശ്രീ അപു ജോണ്‍ ജോസഫ് .
പ്രവാസി സമൂഹത്തിന്റെ ക്ഷേമപ്രവര്‍ത്തനങ്ങള്‍ക്കും കേരളത്തിന്റെ പുരോഗതിക്കുമായി പ്രവാസികളുടെ പിന്തുണ ഉറപ്പാക്കുന്നതില്‍ കേരള കോണ്‍ഗ്രസ് പാര്‍ട്ടി പ്രതിജ്ഞാബദ്ധ മാണ്. ലോകമെമ്പാടുമുള്ള കേരള കോണ്‍ഗ്രസ് കുടുംബാംഗങ്ങളെ ചേര്‍ത്തുനിര്‍ത്തുന്നതിനാണ് യുകെ, യുഎസ്, ഓസ്‌ട്രേലിയ, ഗള്‍ഫ് കണ്‍ട്രീസ്, മറ്റു യൂറോപ്യന്‍ രാജ്യങ്ങള്‍ തുടങ്ങിയ എല്ലാ രാജ്യങ്ങളിലും പ്രവാസി കേരള കോണ്‍ഗ്രസിന്റെ പ്രവര്‍ത്തനങ്ങള്‍ ശക്തമാക്കുന്നതെന്ന് ശ്രീ അപു അറിയിച്ചു.
തുടര്‍ന്ന് നടന്ന ഭാരവാഹി തെരഞ്ഞെടുപ്പില്‍ പ്രസിഡണ്ടായി തിരഞ്ഞെടുക്കപ്പെട്ട ശ്രീ ബിജു മാത്യു ഇളംതുരുത്തിയില്‍ മുന്‍ കെഎസ് സി ജില്ലാ പ്രസിഡണ്ട്, സംസ്ഥാന സെക്രട്ടറി തുടങ്ങിയ നിലകളില്‍ പ്രവര്‍ത്തിച്ചിട്ടുണ്ട്. നിലവില്‍ ടോണ്ടന്‍ മലയാളി അസോസിയേഷന്‍ ജോയിന്‍ സെക്രട്ടറി കൂടിയാണ് ബിജു.
ജനറല്‍ സെക്രട്ടറിയായി തിരഞ്ഞെടുക്കപ്പെട്ട ശ്രീ ജിപ്‌സണ്‍ തോമസ് എട്ടുതൊട്ടിയില്‍ യുക്മ സൗത് ഈസ്‌റ് റീജിയണല്‍ പ്രസിഡന്റ് കൂടിയാണ്. മുന്‍കാലങ്ങളില്‍ കെഎസ് സി തൊടുപുഴ നിയോജകമണ്ഡലം പ്രസിഡന്റ് , യുക്മ സൗത് ഈസ്‌റ് റീജിയണല്‍ ജനറല്‍ സെക്രട്ടറി, മലയാളി അസോസിയേഷന്‍ റെഡ് ഹില്‍ -സറെ സെക്രട്ടറി, സീറോ മലബാര്‍ മിഷന്‍ ട്രസ്റ്റി തുടങ്ങി വിവിധ നിലകളില്‍ പ്രവാസി സമൂഹത്തില്‍ പ്രവര്‍ത്തിച്ചുവരുന്ന വ്യക്തിയാണ് ശ്രീ ജിപ്‌സണ്‍.
യുകയിലെ മലയാളി സമൂഹത്തിനായി സേവനങ്ങള്‍ വിപുലീകരിക്കാനും പ്രവാസി രാഷ്ട്രീയ-സാമൂഹിക ഇടപെടലുകള്‍ കൂടുതല്‍ ഫലപ്രദമാക്കാനും പ്രത്യേക പദ്ധതികള്‍ ആസൂത്രണം ചെയ്യുന്നുണ്ട്. കേരളാ കോണ്‍ഗ്രസ് പാര്‍ട്ടിയുടെ നിലപാടുകള്‍ പ്രവാസി സമൂഹത്തിലേക്കെത്തിക്കാനും, യുകെയിലെ സാമൂഹ്യ-സാംസ്‌കാരിക സംഘടനകളുമായി സഹകരണം ശക്തിപ്പെടുത്താനും പുതിയ നേതൃത്വം പ്രതിജ്ഞാബദ്ധമാണെന്ന് യോഗം വിലയിരുത്തി.
പുതിയ കമ്മിറ്റിയുടെ നേതൃത്വം ഏറ്റെടുത്തവര്‍:
• പ്രസിഡന്റ് - ബിജു മാത്യു ഇളംതുരുത്തിയില്‍
• സെക്രട്ടറി - ജിപ്‌സണ്‍ തോമസ് എട്ടുതൊട്ടിയില്‍
• വൈസ് പ്രസിഡന്റ് - ജോസ് പരപ്പനാട്ട്
• നാഷണല്‍ കോ-ഓര്‍ഡിനേറ്റര്‍ - ബിനോയ് പൊന്നാട്ട്
• ജോയിന്റ് സെക്രട്ടറി - ജെറി തോമസ് ഉഴുന്നാലില്‍
• ട്രഷറര്‍ - വിനോദ് ചന്ദ്രപ്പള്ളി
എക്‌സിക്യൂട്ടീവ് കമ്മിറ്റി അംഗങ്ങളായി ബിറ്റാജ് അഗസ്റ്റിന്‍, ജില്‍സണ്‍ ജോസ് ഓലിക്കല്‍, ജോണി ജോസഫ്, ലിറ്റു ടോമി, തോമസ് ജോണി, ജിസ് കാനാട്ട്, സിബി കാവുകാട്ട്, ബേബി ജോണ്‍ എന്നിവരെയും തെരഞ്ഞെടുത്തു.
