ഏവരുടേയും പ്രാര്‍ത്ഥനകള്‍ വിഫലമാക്കി ഗ്ലോസ്റ്ററിലെ സ്ട്രൗഡില്‍ താമസിക്കുന്ന വിന്‍സി കാഞ്ഞിരപറമ്പില്‍ വര്‍ഗീസ് നാട്ടില്‍ മരണത്തിന് കീഴടങ്ങി. കാന്‍സര്‍ ചികിത്സയിലിരിക്കേയാണ് വിയോഗം. മൂന്നു ചെറു കുഞ്ഞുങ്ങളേയും തനിച്ചാക്കി ഈ അമ്മ പോയപ്പോള്‍ അനാഥത്വത്തിന് നടുവില്‍ അച്ഛന്റെ മാത്രം തണലില്‍ ജീവിക്കേണ്ട അവസ്ഥയിലാണ് മക്കള്‍.
വൈകീട്ടോടെയാണ് നാട്ടിലാണ്‌ മരണം സംഭവിച്ചത്.
സ്ട്രൗഡ് ആശുപത്രിയില്‍ നഴ്‌സായി ജോലി ചെയ്യുകയായിരുന്നു. ഒരു നല്ല ജീവിതം സ്വപ്‌നം കണ്ട് യുകെയിലെത്തി ഒരു വര്‍ഷമായപ്പോഴേക്കും രോഗം തിരിച്ചറിയുകയായിരുന്നു. രണ്ടുവര്‍ഷമായി കുടുംബം യുകെയിലെത്തിയത്. രോഗം മൂര്‍ദ്ധന്യാവസ്ഥയിലെത്തിയപ്പോഴാണ് കണ്ടെത്തിയത്. ചികിത്സയും മറ്റുമായി ഏറെ ബുദ്ധിമുട്ടുകയായിരുന്നു കുടുംബം.
എന്‍എച്ച്എസും കൈവിട്ട അവസ്ഥയായിരുന്നു. ഏപ്രില്‍ അവസാനം നാട്ടില്‍ പോയി കുടുംബത്തെ കണ്ടു, ഒടുവില്‍ നാട്ടില്‍ ചികിത്സ തുടരുകയായിരുന്നു.
പ്രതീക്ഷയോടെ യുകെയിലെത്തിയ കുടുംബത്തെ കാത്തിരുന്നത് വലിയ ദുരന്തമാണ്. മൂന്നു കുട്ടികള്‍ അനാഥരായ അവസ്ഥയാണ്. കുടുംബത്തിന് നാട്ടിലേക്ക് തിരിച്ചുപോകേണ്ട ഒരു അവസ്ഥയാണ്.
9, 8, 6 ലും പഠിക്കുന്ന ചെറിയ കുട്ടികളും പിതാവും വിന്‍സിയുടെ വിയോഗം വിശ്വസിക്കാനാകാത്ത അവസ്ഥയിലാണ്. വിന്‍സി മണ്ണൂത്തി മൂക്കാട്ടുക്കര കുടുംബാംഗമാണ്. ഭര്‍ത്താവ് റിജു മോന്‍ ജോസ് വടക്കഞ്ചേരി സ്വദേശിയാണ്.
ഗ്ലോസ്റ്റര്‍ സമൂഹം കുടുംബത്തിനൊപ്പം തന്നെ എല്ലാ പിന്തുണയുമായി കൂടെയുണ്ട്. എന്നിരുന്നാലും കുടുംബത്തിന് വലിയൊരു കൈത്താങ്ങ് ആവശ്യമായി വരും. ഗ്ലോസ്റ്റര്‍ സമൂഹം കുടുംബത്തെ സാമ്പത്തികമായി പിന്തുണക്കാനുള്ള ശ്രമത്തിലാണ്.
മക്കള്‍ അന്ന മരിയ, ഏഞ്ചല്‍ മരിയ, ആഗ്ന മരിയ
മരണ വിവരം അറിഞ്ഞ് ഭര്‍ത്താവ് റിജോയും കുട്ടികളും ഇന്ന് യുകെയില്‍ നിന്ന് തിരിക്കും. ശനിയാഴ്ചയായിരിക്കും സംസ്‌കാരം
