ഫഹദ് ചിത്രം 'ട്രാന്‍സ്' ടൊറന്റോ ഇന്ത്യന്‍ ഇന്റര്‍നാഷണല്‍ ഫിലിം ഫെസ്റ്റിവലിലേക്ക് തെരഞ്ഞെടുക്കപ്പെട്ടു.തെലുങ്ക് ചിത്രം 'ജഴ്‌സി', തമിഴ് ചിത്രം 'കൈതി', ഹിന്ദി ചിത്രം 'സൂപ്പര്‍ 30' എന്നിവയാണ് ഇന്ത്യയില്‍ നിന്നും മേളയിലേക്ക് തെരഞ്ഞെടുക്കപ്പെട്ട മറ്റ് ചിത്രങ്ങള്‍. ഓഗസ്റ്റ് 9 മുതല്‍ 15 വരെയാണ് ചലച്ചിത്രമേള.
അന്‍വര്‍ റഷീദ് സംവിധാനം നിര്‍വഹിച്ച ട്രാന്‍സില്‍ നസ്രിയയാണ് നായിക.
വടക്കേ അമേരിക്കയില്‍ ഇന്ത്യന്‍ സിനിമകളുടെ പ്രചാരത്തിനു വേണ്ടി നടത്തുന്ന മേളയാണ് ഐ ഐ എഫ് എഫ് ടി.
ഹ്രസ്വചിത്രമായ 'പദ്മവ്യൂഹ'യും ഡോക്യുമെന്റിയായ 'ബാച്ച് ഓഫ് 2020'എന്നീ ചിത്രങ്ങള്‍ ഈ വര്‍ഷത്തെ മേളയുടെ ഭാഗമായി പ്രദര്‍ശിപ്പിക്കും.
റിലീസിന് മുന്‍പേ തന്നെ ഏറെ വാര്‍ത്താ പ്രാധാന്യം നേടിയ ചിത്രമാണ് 'ട്രാന്‍സ്'. മൂന്ന് വര്‍ഷത്തെ കാലയളവിലാണ് ചിത്രത്തിന്റെ ഷൂട്ടിങ് പൂര്‍ത്തിയായത്. ഫഹദും നസ്രിയയും വിവാഹത്തിന് ശേഷം ഒരുമിച്ചഭിനയിക്കുന്നു എന്ന പ്രത്യേകതയും ചിത്രത്തിനുണ്ടായിരുന്നു.
