പ്രധാനമന്ത്രി നരേന്ദ്ര മോദിയെ പരിഹസിച്ചെന്ന് ആരോപിച്ച് പ്രശസ്ത ഹോളിവുഡ് നടന് ടോം ഹോളണ്ടിനു നേരെ ചില സോഷ്യല് മീഡിയ അക്കൗണ്ടുകളില് നിന്നും സൈബര് ആക്രമണം.
ടോമിന്റെ വരാനിരിക്കുന്ന സ്പൈഡര് മാന് 3 എന്ന സിനിമ നിരോധിക്കണമെന്നാണ് പ്രചാരണം നടന്നത്.
ബോയ്കോട്ട് സ്പൈഡര്മാന് എന്ന ഹാഷ് ടാഗും ട്വിറ്ററില് ട്രെന്ഡിംഗായി. മോട്ടേറ ക്രിക്കറ്റ് സ്റ്റേഡിയത്തിന് നരേന്ദ്ര മോദി സ്റ്റേഡിയം എന്ന് പേര് നല്കിയതിനെ കളിയാക്കി കൊണ്ട് ടോം ഹോളണ്ട് എന്ന ട്വിറ്റര് അക്കൗണ്ടില് വന്ന ട്വീറ്റാണ് പ്രശ്നങ്ങള്ക്ക് കാരണമായത്. യഥാര്ത്ഥത്തില് ഇംഗ്ലീഷ് എഴുത്തുകാരനും ക്രിക്കറ്ററുമായ ടോം ഹോളണ്ട് എന്ന വ്യക്തിയാണ് ട്വീറ്റ് ചെയ്തത്.
