താന്‍ എങ്ങും പോയിട്ടില്ലെന്ന് റാപ്പര്‍ വേടന്. ഒരു കലാകാരന്‍ ഒരിക്കലും എവിടെയും പോകില്ല. തന്റെ ഒറ്റ ജീവിതം ജനങ്ങളുടെ മുന്നില്‍ ജീവിച്ച് തീര്‍ക്കാനാണ് വന്നിരിക്കുന്നതെന്നും വേടന് പറഞ്ഞു. പത്തനംതിട്ട കോന്നിയിലെ പരിപാടിയിലായിരുന്നു പ്രതികരണം. നീണ്ട ഇടവേളയ്ക്ക് ശേഷമാണ് വേടന് വീണ്ടും റാപ്പ് വേദിയില്‍ എത്തുന്നത്. ബലാത്സംഗ കേസിന് പിന്നാലെ വേടന് ഒളിവില്‍ എന്നായിരുന്നു പൊലീസ് പറഞ്ഞത്. കേസില്‍ ഇന്ന് ചോദ്യം ചെയ്യലിന് ഹാജരാകാന്‍ ഇരിക്കെയാണ് വേടന്റെ പ്രതികരണം.
'ഒരുപാട് ആളുകള്‍ വിചാരിക്കുന്നത് വേടന് എവിടെയോ പോയെന്നാണ്. ഒരു കലാകാരന്‍ ഒരിക്കലും എവിടെയും പോകില്ല. ഞാന്‍ എന്റെ ഒറ്റ ജീവിതം ഈ ജനങ്ങളുടെ മുന്നില്‍ ജീവിച്ച് മരിക്കാന്‍ വേണ്ടി തന്നെയാണ് വന്നിരിക്കുന്നത്' വേടന് പറഞ്ഞു. ഓണത്തോട് അനുബന്ധിച്ച് കോന്നിയില്‍ നടക്കുന്ന കരിയാട്ടം എന്ന ഫെസ്റ്റിവലില്‍ പങ്കെടുക്കവേയാണ് വേടന്റെ പ്രതികരണം.
വിവാഹ വാഗ്ദാനം നല്‍കി പീഡിപ്പിച്ചു എന്ന യുവതിയുടെ പരാതിയില്‍ തൃക്കാക്കര പൊലീസെടുത്ത കേസില്‍ വേടന് ജാമ്യം അനുവദിച്ചിരുന്നു. എന്നാല്‍ വേടനെതിരെ വീണ്ടും സമാനമായ പരാതി ഉയര്‍ന്നിരുന്നു. പീഡന പരാതി ഉയര്‍ന്നതിനെ തുടര്‍ന്ന് വേടന് പരിപാടികളില്‍ നിന്ന് മാറി നില്‍ക്കുകയായിരുന്നു. പീഡന കേസില്‍ ചോദ്യം ചെയ്യലിന് ഹാജരാകണമെന്നും അന്വേഷണത്തോട് സഹകരിക്കണമെന്നും കോടതി വേടനോട് നിര്‍ദേശിച്ചിരുന്നു.
