ട്രംപിന്റെ അനുയായിയും വലതുപക്ഷ ആക്ടിവിസ്റ്റുമായ ചാര്‍ലി കര്‍ക്ക് കൊല്ലപ്പെട്ടതിന് ശേഷം ആദ്യമായി പ്രതികരിച്ച് ഭാര്യ എറിക്ക കര്‍ക്ക്. ബുധനാഴ്ച യൂട്ടാവാലി സര്‍വകലാശാലയില്‍ ബുധനാഴ്ച വിദ്യാര്‍ത്ഥികളുമായി നടന്ന സംവിദാത്തിനിടെയാണ് ചാര്‍ലി കര്‍ക്ക് വെടിയേറ്റു മരിച്ചത്. ചാര്‍ലി പോഡ്കാസ്റ്റുകള്‍ ചെയ്തിരുന്ന ഓഫീസില്‍ വച്ച് വെള്ളിയാഴ്ചയാണ് എറിക്ക ആദ്യമായി പ്രതികരിച്ചത്.
ചാര്‍ലി എന്നെയും കുട്ടികളേയും വളരെയധികം സ്‌നേഹിച്ചിരുന്നു. അദ്ദേഹത്തിന്റെ കൊലയാളിയെ പിടികൂടാന്‍ പ്രയത്‌നിച്ച നിയമ പാലകര്‍ക്ക് നന്ദി. എന്റെ ഉള്ളില്‍ ആ കൊലയാളി കത്തിച്ച തീ എന്താണെന്ന് അയാള്‍ക്ക് ഊഹിക്കാനാവില്ല. ഈ വിധവയുടെ നിലവിളി ലോകമെമ്പാടും ഒരു യുദ്ധ കാഹളം പോലെ പ്രതിധ്വനിക്കും. ചാര്‍ലി പ്രസിഡന്റിനെ ഒരുപാട് സ്‌നേഹിച്ചിരുന്നു. എന്റെ ഭര്‍ത്താവ് ചെയ്തിരുന്ന കാമ്പസ് ടൂര്‍, റേഡിയോ ഷോ, പോഡ്കാസ്റ്റ് എന്നീ ജോലികള്‍ ഞാന്‍ ഏറ്റെടുക്കും. അദ്ദേഹത്തിന്റെ പാരമ്പര്യം നശിക്കാന്‍ ഞാന്‍ ഒരിക്കലും അനുവദിക്കില്ല. അരാജകത്വവും അനിശ്ചിതത്വവും നിറഞ്ഞ ഈ ലോകത്ത് അദ്ദേഹത്തിന്റെ ശബ്ദം ഞാന്‍ നിലനിര്‍ത്തും, ചെയ്ത എല്ലാ സഹായങ്ങള്‍ക്കും പ്രസിഡന്റിന് നന്ദി, എറിക്ക കിര്‍ക്ക് പറഞ്ഞു.
അതേസമയം ചാര്‍ലി കര്‍ക്കിനെ കൊലപ്പെടുത്തിയതിന് കസ്റ്റഡിയിലുള്ള ടൈലര്‍ റോബിന്‍സണിന്റെ പേര് പ്രസംഗത്തില്‍ പരാമര്‍ശിച്ചിട്ടില്ല. 2021 ല്‍ ചാര്‍ലി കിര്‍ക്കിനും എറിക്കയ്ക്കും മൂന്നു വയസ്സുള്ള മകളും ഒരു വയസ്സുള്ള മകനുമുണ്ട്. മകള്‍ പിതാവിനെ കുറിച്ച് അന്വേഷിക്കുന്നതും വേദനയോടെ എറിക് പങ്കിട്ടു.
