നിരവധി തവണ വിളിച്ചിട്ടും ഫോണില് മറുപടിയില്ല. ഭാര്യയെ തിരക്കിയിറങ്ങിയ ഭര്ത്താവെത്തിയത് ഹോട്ടലില്. കാമുകനൊപ്പം ഇറങ്ങിത്തിരിച്ച യുവതിയെ കൈയ്യോടെ പിടികൂടി. പഞ്ചാബിലെ അമൃത്സറിലാണ് സംഭവം. കഴിഞ്ഞ ദിവസം ഉച്ചയ്ക്കാണ് രവി ഗുലാത്തി എന്നയാളുടെ ഭാര്യയെ കാണാതായത്.
15 വര്ഷം മുമ്പാണ് ഇരുവരും വിവാഹിതരായത്. കഴിഞ്ഞ ദിവസം വൈകീട്ട് 3.30ന് ശേഷം ഭാര്യയെ വിളിച്ചിട്ട് മറുപടിയുണ്ടായിരുന്നില്ല. 15-20 തവണ ഫോണില് വിളിച്ചെങ്കിലും ലഭിച്ചില്ല. ഇതോടെയാണ് സ്കൂട്ടിയിലെ ജിപിഎസ് ട്രാക്കര് പരിശോധിച്ചത്. അങ്ങനെയാണ് ഹോട്ടലിലെത്തിയതും കാമുകനൊപ്പം യുവതിയെ കണ്ടെത്തിയതും.
2018 ലും ഭാര്യയുടെ അവിഹിത ബന്ധം കണ്ടെത്തിയിരുന്നു. ഭാര്യയുടെ രക്ഷിതാക്കളെ വിവരമറിയിക്കുകയും പിന്നീട് മക്കളെ ഓര്ത്ത് മാപ്പു നല്കുകയുമായിരുന്നുവെന്ന് രവി പറഞ്ഞു. വാക്കു തര്ക്കത്തിന് പിന്നാലെ ഭര്ത്താവിനൊപ്പം പോകാന് താല്പര്യമില്ലെന്നും സ്വന്തം വീട്ടിലേക്ക് പോകുന്നുവെന്നും യുവതി പറഞ്ഞു. ഇതോടെ യുവതിയെ വീട്ടുകാര്ക്കൊപ്പം വിട്ടു.
