ഏഴ് മാസം ഗര്ഭിണിയായിരിക്കെ ബോളിവുഡ് താരം കിയാര അദ്വാനിയെ കടന്നു പിടിക്കാന് ആരാധകന് ശ്രമിച്ചുവെന്ന് വെളിപ്പെടുത്തി നടിയുടെ ബോഡിഗാര്ഡ്. പരസ്യ ചിത്രത്തിന്റെ ഷൂട്ടിനെത്തിയതായിരുന്നു കിയാര.
'അന്ന് കിയാരയുടെ കൂടെ മറ്റൊരു ബോഡിഗാര്ഡ് ഉണ്ടായിരുന്നു. പക്ഷെ അവര് ഏഴ് മാസം ഗര്ഭിണിയായിരുന്നതിനാല് സിദ്ധാര്ത്ഥ് എന്നോട് കൂടെ ചെല്ലാന് പറഞ്ഞു. അവരെ വിടാന് സിദ്ധാര്ത്ഥിന് പേടിയായിരുന്നു. അതിനാല് ഞാന് പോയി. പതിവിലും ശ്രദ്ധയോടെയാണ് ഞാന് എല്ലാം ചെയ്തത്. അവര് വാനിറ്റി വാനില് നിന്നും പുറത്തേക്ക് ഇറങ്ങുമ്പോള് ഒരാള് വന്നു. അയാളും ഞാനും തമ്മില് വാക്ക് തര്ക്കമായി. അയാള് സ്യൂട്ട് ധരിച്ചിരുന്നു. മാന്യനായിരിക്കുമെന്ന് കരുതി. ചിലപ്പോള് ചിലര് വന്ന് ഞാന് കോര്പ്പേറ്റ് ലോകത്തുള്ളതാണെന്നും എന്നോട് ഇങ്ങനെ സംസാരിക്കരുതെന്നും പറയും. പക്ഷെ എന്റെ ജോലിയാണത്. ഞാന് നേരത്തെ തന്നെ ബാരിക്കേഡ് വെക്കുകയും കര്ട്ടനിടുകയും ചെയ്തിരുന്നു. എന്നിട്ടും അയാള് ഉള്ളിലേക്ക് കയറി വന്നു. അയാള് വീണ്ടും വീണ്ടും അടുത്ത് വരാന് ശ്രമിച്ചതോടെ എനിക്ക് ദേഷ്യം വന്നു. അതിനാല് പ്രശ്നം പരിഹരിക്കാന് ആകാശ് അംബാനിയുടെ മാനേജരെ വിളിക്കേണ്ടി വന്നു. താരങ്ങളെ നേരില് കാണുമ്പോള് പലരുടേയും നിയന്ത്രണം നഷ്ടമാകും', സീഷാന് പറഞ്ഞു.
2023 ലാണ് നടന് സിദ്ധാര്ഥ് മല്ഹോത്രയുമായുള്ള കിയാരയുടെ വിവാഹം കഴിഞ്ഞത്. 2025 ജൂലൈ 15 ന് ഇരുവര്ക്കും മകള് പിറന്നു. യഷ് ചിത്രം ടോക്സിക് ആണ് ഇനി പുറത്തിറങ്ങാനുള്ള കിയാരാ ചിത്രം
