Breaking Now

ചെന്നൈ ടെസ്റ്റ്: ഇന്ത്യ 1-0ന് മുന്നില്‍

ഓസ്‌ട്രേലിയക്കെതിരായ ഒന്നാം ക്രിക്കറ്റ് ടെസ്റ്റില്‍ ഇന്ത്യക്ക് എട്ടു വിക്കറ്റ് വിജയം. ഇതോടെ നാല് മത്സരങ്ങളുള്ള മത്സരത്തില്‍ ഇന്ത്യ 1-0ന് മുന്നിലെത്തി.

 

ആദ്യ ഇന്നിംഗ്‌സില്‍ ഇന്ത്യ ഉയര്‍ത്തിയ 572 റണ്‍സ് എന്ന കൂറ്റന്‍ സ്‌കോറിന് മറുപടിയായി ഇറങ്ങിയ ഓസീസിന് രണ്ട് ഇന്നിംഗ്‌സുകളിലും കൂടി 50 റണ്‍സിന്റെ ലീഡ് മാത്രമാണ് നേടാനായത്. ആദ്യ ഇന്നിംഗ്‌സില്‍ 380 റണ്‍സും രണ്ടാം ഇന്നിംഗ്‌സില്‍ 241 റണ്‍സും. രണ്ടാം ഇന്നിംഗ്‌സില്‍ ബാറ്റിംഗ് തുടങ്ങിയ ഇന്ത്യ രണ്ട് വിക്കറ്റുകളുടെ നഷ്ടത്തില്‍ 11.3 ഓവറില്‍ 50 റണ്‍സ് എടുത്തു.

ഓപ്പണര്‍മാരായ മുരളി വിജയ് (6), വീരേന്ദര്‍ സെവാഗ് (19) എന്നിവരുടെ വിക്കറ്റാണ് നഷ്ടമായത്. പാറ്റിന്‍സണ്‍, നഥാന്‍ ലിയോണ്‍ എന്നിവര്‍ക്കാണ് വിക്കറ്റ്. സച്ചിനും പൂജാരയും ചേര്‍ന്നാണ് ആദ്യ ടെസ്റ്റിന് സമാപനം കുറിച്ചത്. സച്ചിന്‍ ആദ്യ രണ്ടു പന്തിലും സിക്സര്‍ പറത്തി ആരാകരെ ആവേശത്തിലാഴ്ത്തി. രണ്ട് ഇന്നിംഗ്സുകളിലുമായി ഓസീസിന്റെ 20 വിക്കറ്റും ഇന്ത്യക്ക് വീഴ്ത്താന്‍ കഴിഞ്ഞു.

 

 




കൂടുതല്‍വാര്‍ത്തകള്‍.