Breaking Now

യു.കെ യില്‍ പാമ്പ് ശല്യം കുറയുന്നു ......

യുകെയില്‍ മദ്യപാന്മാരുടെ എണ്ണം കുറഞ്ഞതായി ഓഫിസ് ഫോര്‍ നാഷണല്‍ സ്റ്റാറ്റിസ്റ്റിക്‌സ് പുറത്തിറക്കിയ റിപ്പോര്‍ട്ടില്‍ പറയുന്നു.

1990നുശേഷം ആഴ്ചയില്‍ എല്ലാദിവസവും കുടിക്കുന്നവരുടെ എണ്ണം മൂന്നിലൊന്നായി കുറഞ്ഞതായാണ് റിപ്പോര്‍ട്ടില്‍ വ്യക്തമാക്കുന്നത്. 25 വയസില്‍ താഴെയുള്ളവരില്‍ പകുതിയും വെള്ളമടിക്കാത്തവര്‍ ആണ്. മധ്യവയസ്‌കരും ഉയര്‍ന്ന വരുമാനക്കാരുമാണ് കുടിയന്മാരില്‍ കൂടുതലും. കൗമാരക്കാരില്‍ ചിലര്‍ കുടി ഫാഷനായി കാണുന്നുണ്ട്.

അമിതമായി മദ്യസേവ നടത്തുന്നവര്‍ പുകവലിയും ശീലമാക്കുന്നുണ്ട്. പുതിയ സാഹചര്യത്തില്‍ മദ്യത്തിനു മിനിമം വില നിശ്ചയിക്കാനുള്ള ഡേവിഡ് കാമറൂണിന്റെ പദ്ധതി ചീറ്റിപ്പോകാനാണ് സാധ്യത. മദ്യാസക്തി, അക്രമം, സാമുഹ്യവിരുദ്ധ പെരുമാറ്റം എന്നിവ ചെറുക്കുന്നതിനും എന്‍ എച്ച് എസിന്റെ ചികിത്സാച്ചെലവുകള്‍ കുറയ്ക്കുന്നതിനുമാണ് മദ്യത്തിന് മിനിമം വില നിശ്ചയിക്കാന്‍ പ്രധാനമന്ത്രി പരിപാടിയിട്ടത്. യൂണിറ്റിന് 50 പെന്‍സ് വാങ്ങാനാണ് ഉദ്ദേശിക്കുന്നത്.

എന്നാല്‍ താഴ്ന്ന തട്ടിലുള്ള കുടിയന്മാര്‍ക്ക് കൂടുതല്‍ ചെലവുണ്ടാക്കുമെന്നതിനാല്‍ കാബിനറ്റിലെ പല അംഗങ്ങളും ഇതിനെ എതിര്‍ക്കുന്നു. വിലകൂട്ടിയാല്‍ താഴ്ന്ന വരുമാനക്കാരായ കുടിയന്മാരെ അത് ദുരിതത്തിലാഴ്ത്തുമെന്നാണ് വാദം. പഠനറിപ്പോര്‍ട്ട് പ്രകാരം താഴന്നവരുമാനക്കാരും തൊഴില്‍രഹിതരും വളരെ കുറച്ചു മാത്രമെ മദ്യപിക്കുന്നുള്ളൂ.

1998ല്‍ 23 ശതമാനം പുരുഷന്മാരും 13 ശതമാനം സ്ത്രീകളും ആഴ്ചയില്‍ അഞ്ചോ അതിലധികമോ ദിവസം മദ്യപിക്കുമായിരുന്നു. 2011 ആയപ്പോഴേക്കും ഇത് യഥാക്രമം 16 ശതമാനവും ഒമ്പതുശതമാനവുമായി കുറഞ്ഞു. അഞ്ചോ അതിലധികമോ ദിവസം കുടിക്കുന്നവരില്‍ ഭൂരിഭാഗവും 45നുമേല്‍ പ്രായമുള്ളവരാകുകയും ചെയ്തു. യുവാക്കാള്‍ വളരെ കുറച്ച് കുടിക്കാനേ താല്‍പര്യപ്പെടുന്നുള്ളൂ.

24 വയസിനുതാഴെയുള്ളവരുടെ കുടിയില്‍ കുറവുണ്ടായതായാണ് റിപ്പോര്‍ട്ട്. 2005ല്‍ 46 ശതമാനം പേരായിരുന്നു ഇത്തരം കുടിയന്മാര്‍. എന്നാല്‍ 2011 ആയപ്പോഴേക്കും ഇത്തരക്കാര്‍ 32 ശതമാനമായി കുറഞ്ഞു. സ്ത്രീകളിലും കുടി കുറഞ്ഞു. മാനേജര്‍മാരും പ്രൊഫഷണലുകളുമാണ് മദ്യ സേവ പതിവാക്കിയിരിക്കുന്നത്.

 




കൂടുതല്‍വാര്‍ത്തകള്‍.