Breaking Now

അപ്രത്യക്ഷമാകുന്ന മാജിക്ക് ടെലിവിഷനുമായി ഫിലിപ്സ്

ഇപ്പോൾ ലഭ്യമായിട്ടുള്ള ടിവികളെല്ലാം ഒരു പോലെയുള്ളവയാണ്. എന്നാൽ ഇതിൽ നിന്നുമെല്ലാം വ്യതസ്തമായി ഫിലിപ്സ് അപ്രത്യക്ഷമാകുന്ന മാജിക്ക് ടെലിവിഷനുമായി രംഗത്ത്.

ഗ്ലാസ്സിന്റെ ഒരു ഒറ്റ ഷീറ്റ് കൊണ്ടാണ് ഇതിന്റെ മുൻവശം ഉണ്ടാക്കിയിരിക്കുന്നത്. നമ്മുടെ ലിവിംഗ് റൂമിൽ ഒരു ടിവിയുണ്ടെന്നു തോന്നാത്ത വിധത്തിലുള്ള മാജിക് ടിവിയുമായി ഫിലിപ്സ്. ഫിലിപ്സ് രൂപം നല്കിയിരിക്കുന്ന പുതിയ സീരീസ്സിലുള്ള ഡിസൈൻ ലൈൻ സെറ്റുകളാണ് പ്രവർത്തിക്കാത്ത സമയത്ത് പ്രതലവുമായി ചേർന്ന് അപ്രത്യക്ഷമാകുന്നത്. ഒരു ഷീറ്റ് ഗ്ലാസ്‌ കൊണ്ടാണ് ഇതിന്റെ മുൻവശം നിർമിച്ചിരിക്കുന്നത്. ടിവി സ്വിച്ച് ഓഫ്‌ ചെയ്താൽ ഒരു കറുത്ത ജനാല പോലെയാണ് തോന്നുക.

117 സെന്റീമീറ്റർ വീതിയും 140  സെന്റീമീറ്റർ നീളവുമുള്ള ഈ ഡിസൈൻ ലൈൻ ടിവിയുടെ വില ഏതാണ്ടു 2000 - ത്തിനും 2800 പൌണ്ടിനും ഇടയിലായി വരും. ഈ വര്ഷം ജൂണ്‍ മുതൽ ഇതു യുകെയിൽ ലഭ്യമായി തുടങ്ങും. ഫിലിപ്സിന്റെ മുഖമുദ്രയായ സുതാര്യതയും ഭാരക്കുറവും ഈ മോഡലിനും ഉണ്ടായിരിക്കും. സ്റ്റാന്റ് , ഫ്രെയിം മുതലായവയൊന്നും ഈ ടെലിവിഷനിൽ ഇല്ല. കണ്ടാൽ ഭിത്തിയോട് ചേർത്ത് വച്ചിരിക്കുന്ന ഒരു കറുത്ത ഗ്ലാസ്‌ ആയിട്ടാണ് തോന്നുകയുള്ളൂ എന്നാണ് കമ്പനി അവകാശപെടുന്നത്.

റ്റി പി വിഷനിലെ സീനീയർ ക്രിയെറ്റീവ് ഡയറക്റ്ററായ റോഡ്‌ വൈറ്റിന്റെ നേതൃത്വത്തിലാണ് ഈ ടിവി വികസിപ്പിച്ചെടുത്തിരിക്കുന്നത്. മറ്റു ടിവികൾക്കുള്ള എല്ലാ സവിശേഷതകളും ഇതിനുണ്ട്. ഇതിന്റെ മൂന്ന് വശത്തും ലൈറ്റുകൾ  കൊടുത്തിട്ടുള്ളതിനാൽ കാണുന്നവർക്ക് സ്ക്രീൻ ഒഴുകി നടക്കുന്ന ഫീലിംഗ് നല്കും എന്ന് കമ്പനി അവകാശപെടുന്നു. 

എന്തായാലും ഒരു കാര്യം ഉറപ്പാണ്‌..  ഈ  ടെലിവിഷൻ കാഴ്ചക്കാർക്ക് ഒരു  ദൃശ്യ വിരുന്നായിരിക്കും എന്ന കാര്യത്തിൽ ആർക്കും തർക്കമില്ല.




കൂടുതല്‍വാര്‍ത്തകള്‍.