പ്രേമം എന്ന മലയാള ചിത്രത്തിലൂടെ സിനിമയിലേക്കെത്തിയ നടി അനുപമ പിന്നീട് അന്യ ഭാഷാ ചിത്രങ്ങളില് സജീവമാണ്. മലയാളത്തില് മണിയറയിലെ അശോകന് ആണ് അനുപമയുടെ പുതിയ ചിത്രം. ട്രോളുകള് വിഷമിപ്പിച്ചതിനാലാണ് മലയാള സിനിമയില് നിന്ന് മാറി നിന്നതെന്ന് താരം വ്യക്തമാക്കുന്നു.
പ്രേമത്തിന്റെ റിലീസിന് ശേഷം വിമര്ശനങ്ങള് എനിക്ക് നേരിടേണ്ടി വന്നു. എനിക്ക് ജാഡയാണ് അഹങ്കാരിയാണ് എന്നും വിളിച്ചു. സിനിമയുടെ പ്രൊമോഷനുകള്ക്കിടെ കിട്ടിയ അവസരങ്ങള് ഉപയോഗിക്കാനായി ചില ആളുകള് എന്നോട് പറഞ്ഞു. അതിനാല് ഞാന് ധാരാളം അഭിമുഖങ്ങള് നല്കി. അഭിമുഖങ്ങള് കൊണ്ട് മടുത്തിരുന്നു.
തൃശൂര് നിന്നുള്ള ഒരു സാധാരണ പെണ്കുട്ടി ആയിരുന്നതിനാല് അവര് പറഞ്ഞത് പോലെ ഞാന് അനുസരിച്ചു. സിനിമ റിലീസ് ചെയ്തപ്പോള്, അതില് ഞാന് കുറച്ച് ഭാഗത്ത് മാത്രമേ ഉണ്ടായിരുന്നുള്ളു. അതിനാല് ആളുകള് എന്നെ ട്രോളാന് തുടങ്ങി. എന്റെ വ്യക്തിപരമായ വളര്ച്ചയ്ക്ക് ഞാന് സിനിമയുടെ പബ്ലിസിറ്റി ഉപയോഗിച്ചെന്ന് അവര്ക്ക് തോന്നി. ട്രോളുകള് എന്നെ വിഷമിപ്പിച്ചു. അതിനാല് മലയാളത്തില് നിന്നും വിട്ടു നില്ക്കാന് ഞാന് തീരുമാനിച്ചു. എന്നെ തേടിയെത്തിയ സിനിമകള് നിരസിക്കാന് തുടങ്ങി.
അപ്പോഴാണ് ഒരു നെഗറ്റീവ് റോളിനായി തെലുങ്കിലെ ഒരു വലിയ പ്രൊഡക്ഷന് ഹൗസ് എന്നെ സമീപിച്ചത്. എനിക്ക് അഭിനയിക്കാന് അറിയില്ല എന്ന് ചിലര് പറഞ്ഞതിനാല് അത് ഞാന് ഒരു വെല്ലുവിളിയായി ഏറ്റെടുത്തു. ഒരു പുതിയ ഭാഷ പഠിച്ച് തെലുങ്കിലേക്ക് പ്രവേശിക്കാന് തീരുമാനിച്ചു. അതിന് ശേഷം രണ്ട് തെലുങ്ക് ചിത്രങ്ങള് ലഭിച്ചു. തുടര്ന്ന് തമിഴ് സിനിമ ലഭിച്ചു.