Breaking Now

മോഹന്‍ലാല്‍ ഒരു അപൂര്‍വ പ്രതിഭയാണ്, ഒരു കംപ്ലീറ്റ് ആക്ടറും, അതിശയകരമായ ഒരു മനുഷ്യനുമാണ് ; പ്രതാപ് പോത്തന്‍

മോഹന്‍ലാല്‍ സംവിധാനം ചെയ്യുന്ന 'ബാറോസ്' മാര്‍ച്ചില്‍ ചിത്രീകരണം ആരംഭിക്കും. നടന്‍ പ്രതാപ് പോത്തനും സിനിമയുടെ ഭാഗമാണ്. മോഹന്‍ലാലിനെക്കുറിച്ചും ബറോസിനെക്കുറിച്ചുമുളള പ്രതാപ് പോത്തന്റെ വാക്കുകള്‍ വൈറലാകുകയാണ്.

ലെജന്‍ഡ് മോഹന്‍ലാല്‍ സംവിധാനം ചെയ്തതില്‍ ഞാന്‍ അഭിമാനിക്കുന്നു, അദ്ദേഹം ഒരു അപൂര്‍വ പ്രതിഭയാണ്, ഒരു കംപ്ലീറ്റ് ആക്ടറും, അതിശയകരമായ ഒരു മനുഷ്യനുമാണ്. ഒരു സംവിധായകനെന്ന നിലയില്‍ നിങ്ങളുടെ ആദ്യത്തെ സിനിമയില്‍ എന്നെ ഭാഗമാക്കിയതില്‍ നന്ദി.ഞാന്‍ ഭാഗ്യവാനാണ്.ബാറോസ്' പ്രതാപ് പോത്തന്‍ കുറിച്ചു.

വമ്പന്‍ സെറ്റുകള്‍ സിനിമയ്ക്കായി ഒരുങ്ങുന്നുണ്ടെന്നാണ് വിവരം. ഇതിന്റെ ജോലികളില്‍ ഇക്കഴിഞ്ഞ ദിവസം ആരംഭിച്ചു.പ്രീപ്രൊഡക്ഷന്‍ വര്‍ക്ക് കൊച്ചിയില്‍ പുരോഗമിക്കുകയാണ്.മോഹന്‍ലാല്‍ തന്നെ ബാറോസില്‍ പ്രധാന കഥാപാത്രത്തെയും അവതരിപ്പിക്കുന്നു.യുഎസ്, സ്‌പെയിന്‍, പോര്‍ച്ചുഗല്‍, ഘാന തുടങ്ങിയ ഇടങ്ങളിലെ വിദേശ താരങ്ങളും ചിത്രത്തില്‍ അഭിനയിക്കുന്നുണ്ട്.

ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ ആണ് ചിത്രം നിര്‍മ്മിക്കുന്നത്

 




കൂടുതല്‍വാര്‍ത്തകള്‍.