CURRENCY RATE -
1 GBP :
0.00 INR
1 EUR :
0.00 INR
1 USD :
0.00 INR
Last Updated :
2 Hours 9 Minutes 48 Seconds Ago
Breaking Now

ബ്രിട്ടനില്‍ കൊവിഡ് പോസിറ്റീവായി മരിച്ചവരെല്ലാം കൊവിഡ് 'ബാധിച്ച്' മരിച്ചവരല്ല; മരണസംഖ്യയില്‍ കാല്‍ശതമാനം പേര്‍ക്കും 'കാലനായത്' വൈറസല്ല!

ഏപ്രില്‍ ആരംഭം മുതല്‍ ബ്രിട്ടനില്‍ പ്രതിദിന മരണങ്ങളില്‍ 28-ല്‍ കൂടുന്നില്ലെന്നും ഡാറ്റ

കൊവിഡ് മരണങ്ങളായി രജിസ്റ്റര്‍ ചെയ്ത കാല്‍ശതമാനം മരണങ്ങളും വൈറസ് ബാധിച്ച് സംഭവിച്ചതല്ലെന്ന് ഔദ്യോഗിക കണക്കുകള്‍ വ്യക്തമാക്കി. കൊറോണാവൈറസ് മരണങ്ങളില്‍ 23 ശതമാനവും വൈറസ് ബാധിച്ചവരെങ്കിലും മറ്റ് കാരണങ്ങള്‍ മൂലം മരിച്ചതാണെന്ന് നാഷണല്‍ സ്റ്റാറ്റിസ്റ്റിക്‌സ് ഓഫീസ് ഡാറ്റ വ്യക്തമാക്കി. 

ഇതോടെ കൊവിഡ് പോസിറ്റീവായ ശേഷമാണ് മരിച്ചതെങ്കിലും ഇവരുടെ മരണസര്‍ട്ടിഫിക്കറ്റുകളില്‍ പ്രാഥമിക മരണകാരണമായി രോഗം ഇടംപിടിച്ചില്ല. ഏപ്രില്‍ ആരംഭം മുതല്‍ ബ്രിട്ടനില്‍ പ്രതിദിന മരണങ്ങളില്‍ 28-ല്‍ കൂടുന്നില്ലെന്നും ഡാറ്റ കൂട്ടിച്ചേര്‍ക്കുന്നു. സര്‍ക്കാര്‍ ദിവസേന 60 മരണങ്ങളോളം കണക്കില്‍ കാണിക്കുമ്പോഴാണ് ഈ അവസ്ഥ. 

ഓരോ ദിവസവും റിപ്പോര്‍ട്ട് ചെയ്യുന്ന കണക്കുകള്‍ പ്രകാരമാണ് അധികൃതര്‍ മരണസംഖ്യ പ്രഖ്യാപിക്കുന്നത്. എന്നാല്‍ ഇത് ദിവസങ്ങള്‍ക്കും, ആഴ്ചകള്‍ക്കും മുന്‍പുള്ളതാകാമെന്നതാണ് കണക്ക് പെരുപ്പിച്ച് നിര്‍ത്തുന്നത്. ഇതുമൂലം യഥാര്‍ത്ഥ മരണസംഖ്യയുടെ ആധിക്യം കൃത്യമായി മനസ്സിലാക്കാന്‍ കഴിയാത്ത അവസ്ഥയാണ്. 

ചൊവ്വാഴ്ച 23 മരണങ്ങളാണ് റിപ്പോര്‍ട്ട് ചെയ്തിട്ടുള്ളത്. യഥാര്‍ത്ഥ കണക്ക് ഇതിലും താഴെയാകാനും ഇടയുണ്ടെന്ന് ഒഎന്‍എസ് ഡാറ്റ വ്യക്തമാക്കുന്നു. 




കൂടുതല്‍വാര്‍ത്തകള്‍.