Music For All എന്ന സന്ദേശവുമായി ചലച്ചിത്ര പിന്നണി ഗായിക രേണുക അരുണ്‍ നടത്തുന്ന ഓണ്‍ലൈന്‍ Carnatic Music Workshop ജൂണ്‍ 27 ഞായറാഴ്ച്ച യുകെ സമയം രാവിലെ 11:30 ന് (ഇന്ത്യന്‍ സമയം 4:00 പിഎം). zoom പ്ലാറ്റ്‌ഫോമിലാണ് ഈ മ്യൂസിക് വര്‍ക്ക്‌ഷോപ് ഒരുക്കിയിരിക്കുന്നത് . പ്രവേശനം തികച്ചും സൗജന്യമാണ്
കൊച്ചിന്‍ കലാഭവന്‍ ലണ്ടന്റെ ആഭിമുഖ്യത്തിലാണ് ഈ പരിപാടി സംഘടിപ്പിക്കുന്നത്. ശാസ്ത്രീയ ഗാന രംഗത്തും ചലച്ചിത്ര പിന്നണി ഗാന രംഗത്തും ഒട്ടേറെ അവാര്‍ഡുകള്‍ കരസ്ഥമാക്കിയ ഗായികയാണ് രേണുക അരുണ്‍. മലയാളം, തമിഴ് , തെലുങ്ക് ചലച്ചിത്രങ്ങളില്‍ രേണുക ഒട്ടേറെ ഗാനങ്ങള്‍ ആലപിച്ചിട്ടുണ്ട്. രേണുക അരുണ്‍ പാടിയ സംഗീത ആല്‍ബങ്ങള്‍ക്ക് ഒട്ടേറെ അന്തര്‍ദേശിയ പുരസ്‌ക്കാരങ്ങള്‍ കരസ്ഥമാക്കിയിട്ടുണ്ട്. എഴുന്നൂറോളം കര്‍ണാടക സംഗീത കച്ചേരികള്‍ ഈ ഗായിക ഇതുവരെ ചെയ്തിട്ടുണ്ട്.അന്താരാഷ്ട്ര സംഗീത ട്രൂപ് ആയ സിംഫണി ഓര്‍ക്കസ്ട്ര തുടങ്ങി ഒട്ടേറെ അന്താരാഷ്ട്ര സംഗീത ട്രൂപ്പുകളുമായി രേണുക സഹകരിക്കുന്നുണ്ട്. അടുത്ത കാലത്ത് സൂപ്പര്‍ഹിറ്റായ 'ദി ഗ്രേറ്റ് ഇന്ത്യന്‍ കിച്ചന്‍' എന്ന മലയാള സിനിമയിലും രേണുക പാടിയിട്ടുണ്ട്.
ഈ മ്യൂസിക് വര്‍ക്ക് ഷോപ്പില്‍ പങ്കെടുക്കാന്‍ ആഗ്രഹിക്കുന്നവര്‍ ദയവായി ബന്ധപ്പെടുക : 07841613973,
email : kalabhavanlondon@gmail.com
