മൈസൂരുവില്‍ പത്തുവയസ്സുള്ള പെണ്‍കുട്ടിയെ കൊല്ലപ്പെട്ട നിലയില്‍ കണ്ടെത്തി. കുട്ടി പീഡനത്തിന് ഇരയായതായി സംശയം. ദസറ എക്‌സിബിഷന്‍ ഗ്രൗണ്ടിന് സമീപമുള്ള ഇന്ദിരാനഗറിലാണ് പെണ്‍കുട്ടിയുടെ മൃതദേഹം കണ്ടെത്തിയത്. വ്യാഴാഴ്ച പുലര്‍ച്ചെയാണ് സംഭവം.
കലബുര്‍ഗിയില്‍ നിന്നുള്ള ദമ്പതികളുടെ നാലു മക്കളില്‍ ഒരാളാണ് കൊല്ലപ്പെട്ടത്. ദസറ സമയത്ത് ബലൂണുകളും പാവകളും വില്‍ക്കാന്‍ മൈസൂരുവില്‍ എത്തിയതായിരുന്നു കുടുംബം. കുടുംബത്തിനൊപ്പം ഉറങ്ങികിടന്ന കുട്ടിയെ പുലര്‍ച്ചെ നാലു മണിയോടെ കാണാതായി. തുടര്‍ന്ന് നടത്തിയ തിരച്ചിലില്‍ കുടുംബം താമസിച്ചിരുന്ന ഷെഡില്‍ നിന്ന് ഏകദേശം 50 മീറ്റര്‍ അകലെയാണ് കുട്ടിയെ കൊല്ലപ്പെട്ട നിലയില്‍ കണ്ടെത്തിയത്.
