ബാലഭാസ്‌കറിന്റെ മരണം കൊലപാതകമോയെന്ന് സംശയം ഉണരവേ ശക്തമായ ചില തെളിവുകള്‍ പുറത്തുവരുന്നു. കേസില്‍ നിര്‍ണ്ണായക മൊഴി നല്‍കിയ വ്യക്തിയാണ് കെ എസ് ആര്‍ടിസി ഡ്രൈവര്‍. ആ മൊഴിയുടെ അടിസ്ഥാനത്തിലാണ് കേസ് അവസാനിപ്പിച്ചതും. എന്നാല്‍ ഈ ഡ്രൈവര്‍ യുഎഇ കോണ്‍സുലേറ്റ് വഴി യുഎഇ സര്‍ക്കാരിലെ ഡ്രൈവറായി ജോലി ചെയ്യുന്നുവെന്ന് പുതിയ റിപ്പോര്‍ട്ട് വ്യക്തമാക്കുന്നു.
ബാലഭാസ്‌കറിന്റെത് അപകട മരണമാണെന്ന് മൊഴി നല്‍കിയത് കെഎസ്ആര്‍ടിസി ഡ്രൈവര്‍ അജിയാണ്. ബാലുവിന്റെ കാറിന് പിന്നില്‍ ഈ ബസും ഉണ്ടായിരുന്നു. ഡ്രൈവറുടെ മൊഴിയുടെ അടിസ്ഥാനത്തിലാണ് പോലീസ് അന്വേഷണം അപകടമെന്ന സ്ഥിരീകരണത്തിലെത്തിയത്. എന്നാല്‍ അജി യുഎഇ കോണ്‍സുലേറ്റ് വഴി യുഎഇ സര്‍ക്കാരിന്റെ കീഴില്‍ ബസ് ഡ്രൈവറായതും നിലവിലെ സ്വര്‍ണ്ണക്കടത്തു കേസു കൂടി കൂട്ടിവായിക്കുന്നതോടെ ദുരൂഹതയേറുകയാണ്.
