ഡബ്ലിന്: വേള്ഡ് മലയാളി കൗണ്സില് അയര്ലണ്ട് പ്രോവിന്സിന്റെ പതിനൊന്നാമത് 'നൃത്താഞ്ജലി & കലോത്സവം 2020 'ത്തിനുള്ള ഓണ്ലൈന് രജിസ്ട്രേഷന് പുരോഗമിക്കുന്നു. കോവിഡ് 19 മഹാമാരിയുടെ പശ്ചാത്തലത്തില് ഇത്തവണ മത്സരങ്ങള് ഓണ്ലൈനായാണ് നടത്തപ്പെടുന്നത്. ഡിസംബര് മാസത്തിലെ ശനി, ഞായര് (തീയതി പിന്നീട്, അറിയിക്കുന്നതാണ്) ദിവസങ്ങളില് നടത്തപ്പെടുന്ന മത്സരങ്ങള്ക്ക് നാട്ടില് നിന്നുമുള്ള പ്രഗത്ഭരാണ് വിധികര്ത്താക്കള്. ജൂനിയര് സീനിയര് വിഭാഗങ്ങള്ക്കായുള്ള പ്രസംഗ മത്സര വിഷയങ്ങള് പ്രസിദ്ധീകരിച്ചു.
Juniors : 'The pros and cons of online education in comparison to classroom education'
Seniors :'The influence and reach of the media has become far too powerful'
സബ്ജൂനിയര് വിഭാഗത്തില് ആക്ഷന് സോങ്ങ്, ജൂനിയര് സീനിയര് വിഭാഗങ്ങളിലായി ശാസ്ത്രീയ സംഗീതം, കരോക്കെ സോങ്ങ്, കവിതാ പാരായണം, പ്രസംഗം ഇംഗ്ലീഷ്, സിനിമാറ്റിക് ഡാന്സ്, ഭരതനാട്യം എന്നീ മത്സരങ്ങളാണ് ഇത്തവണ നടത്തപ്പെടുന്നത്.മത്സരയിനങ്ങള്ക്ക് അനുവദിച്ചിരിക്കുന്ന സമയപ്രകാരമുള്ള വീഡിയോകള് അയച്ച് തരേണ്ടതാണ്, അവയില് നിന്നും തിരഞ്ഞെടുക്കുന്ന 10 മത്സരാര്ത്ഥികള് ഓണ്ലൈനിലൂടെ ലൈവ് മത്സരത്തിലും പങ്കെടുക്കേണ്ടതാണ്.
നൃത്താഞ്ജലി വെബ് സൈറ്റിലൂടെയാണ് മത്സരങ്ങള്ക്ക് രജിസ്റ്റര് ചെയ്യേണ്ടത്. ഡെബിറ്റ് കാര്ഡ്, ക്രെഡിറ്റ് കാര്ഡ് ,പേപാല് തുടങ്ങിയവ ഉപയോഗിച്ച് രജിസ്ട്രേഷന് ഫീസായ 5 യൂറോ അടയ്ക്കാനുള്ള സൗകര്യം ഉണ്ട്. മത്സരങ്ങളുടെ ക്രമീകരണങ്ങള് ഒരുക്കുവാനും , സുഗമമായ നടത്തിപ്പും, മൂല്യനിര്ണ്ണയത്തിന്റെ സൗകര്യവും കണക്കിലെടുത്ത് വെബ് സൈറ്റില് കൂടി ഓണ്ലൈനായി മാത്രമേ രജിസ്ട്രേഷന് സ്വീകരിക്കുകയുള്ളൂ.
4 ഇനങ്ങളിലോ അതില് കൂടുതലോ രജിസ്റ്റര് ചെയ്യുന്നവര്ക്ക് രജിസ്ട്രേഷന് ഫീസില് 10% ഡിസ്കൗണ്ട് ലഭിക്കുന്നതാണ്. ഒന്നും രണ്ടും മൂന്നും സമ്മാനങ്ങള്ക്ക് പുറമെ ഏറ്റവും കൂടുതല് പോയിന്റ് ലഭിക്കുന്നവര്ക്ക് എലൈറ്റ് ഫുഡ്സ് അയര്ലണ്ട് നല്കുന്ന പ്രത്യേക സമ്മാനവും ഉണ്ടായിരിക്കുന്നതാണ്.
രജിസ്ട്രേഷനുള്ള വെബ് സൈറ്റ് ചുവടെ.
www.nrithanjali.com
മത്സരങ്ങളുടെ നിബന്ധനകള്, നിയമങ്ങള്, മുന്വര്ഷങ്ങളിലെ മത്സരങ്ങളുടെ ചിത്രങ്ങള് ഇവയെല്ലാം നൃത്താഞ്ജലി വെബ്സൈറ്റില് ലഭ്യമാണ്.
കൂടുതല് വിവരങ്ങള്ക്ക് :
King Kumar Vijayarajan 0872365378
Silvia 0877739792
Sajesh Sudarsanan 0833715000