ബ്രിഡ്ജ്ണ്ട്: സൗത്ത് വെയില്സിലെ ഒരു പ്രധാന അസോസിയേഷന് ആയ ബ്രിഡ്ജ്ണ്ട് മലയാളി അസോസിയേഷന് (BMA) ക്രിസ്മസ് ആഘോഷവും പുതുവര്ഷ ആഘോഷവും വിവിധ പരിപാടികളോടെ അതിവിപുലമായ രീതിയില് ജനുവരി 10ന് പെന്കോഡ് വെല്ഫേര് ഹാളില് വച്ച് നടത്തപ്പെട്ടു. വളരെ കൃത്യതയോടും ചിട്ടയോടും കൂടിയാണ് ഈ വര്ഷത്തെ ആഘോഷങ്ങള്ക്ക് കമ്മറ്റി അംഗങ്ങള് നേതൃത്വം കൊടുത്തത്. കഴിഞ്ഞ അഞ്ചു വര്ഷമായി ജനസേവനപരമായ പല കാര്യങ്ങളും ചെയ്തുവരുന്ന ബ്രിഡ്ജ്ണ്ട് മലയാളി അസോസിയേഷന് ഇവിടുത്തെ മലയാളി സമൂഹത്തിന് ഒരു വികാരമാണ്, ഒരു വലിയ സ്നേഹബന്ധമാണ്. യുക്മയുമായി നല്ല രീതിയില് സഹകരിച്ചു പോകുന്നു.
കൃത്യം 2 മണിക്ക് തന്നെ ആഘോഷപരിപാടികള് ആരംഭിച്ചു. ആദ്യം തന്നെ പൊതുയോഗം നടത്തി. ശ്രീമതി സോനാ ജോസ് ഈശ്വരപ്രാര്ത്ഥന നടത്തി. ശ്രീമതി സിജി ജോയ് എല്ലാവരെയും സ്വാഗതം ചെയ്തു. തുടര്ന്ന് ബിഎംഎ പ്രസിഡന്റ് ശ്രീ രതീഷ് രവി അധ്യക്ഷപ്രസംഗം നടത്തി. അതിന് ശേഷം പ്രെസിഡന്റിനോടൊപ്പം മറ്റ് കമ്മറ്റിഅംഗങ്ങള് കൂടിയായ ശ്രീമതി പ്രിന്സി ഫ്രാന്സിസ്, ഷബീര് ബഷീര് ബായ്, ശ്രീമതി സ്റ്റെഫീന സാബിത്, ശ്രീ ആന്റണി ജോസ് തുടങ്ങിയവര് ചേര്ന്ന് കേക്ക് മുറിച്ചുകൊണ്ട് ക്രിസ്മസ് നവവത്സരപരിപാടി ഔദ്യോഗികമായി ഉത്ഘാടനം ചെയ്യപ്പെട്ടു. പിന്നീട് ശ്രീ ഷബീര് ബഷീര് ബായ് വാര്ഷിക റിപ്പോര്ട്ട് അവതരിപ്പിച്ചു. ആഘോഷത്തിന്റെ പ്രധാന ഭാഗമായ കരോള് ഗാനം, നേറ്റിവിറ്റി, ക്രിസ്മസ് പാപ്പായുടെ വരവ് എന്നിവ തുടര്ന്ന് നടത്തി.
മുഖ്യ അഥിതിയായിരുന്ന യുക്മ നാഷണല് കമ്മറ്റി അംഗം ശ്രീ ബെന്നി അഗസ്റ്റിന് പരിപാടിയില് അഭിസംബോധന ചെയ്യുകയും എല്ലാവര്ക്കും ഐശ്വര്യപൂണ്ണമായ ഒരു പുതുവര്ഷം എല്ലാവര്ക്കും ആശംസിക്കുകയും ചെയ്തു. തദവസരത്തില് അദ്ദേഹം യുക്മ നടത്തുന്ന വിവിധ പരിപാടികളെക്കുറിച്ചും യുകെയിലെ എല്ലാ എംപിമാര്ക്കും കൊടുക്കുന്ന ILR നിവേദനത്തെപ്പറ്റി പറയുകയും ആ സിഗ്നേച്ചര് കാമ്പയിനില് പങ്കെടുക്കണമെന്ന് അഭ്യര്ത്ഥിക്കുകയും ചെയ്തു. അതുപോലെ തന്നെ ജനുവരി 31ന് വെയില് ഓഫ് ഗ്ളാമോര്ഗനിലെ ലാന്ഡോക്കില് വച്ച് യുക്മ വെയില്സ് റീജിയന് നടത്തുന്ന നഴ്സസ് കോണ്ഫെറെന്സില് പങ്കെടുക്കുവാന് എല്ലാ നേഴ്സ്മാരെയും പ്രത്യേകം ക്ഷണിച്ചു. നേഴ്സ് കോണ്ഫെറെന്സില് പങ്കെടുക്കുവാന് താത്പര്യം ഉള്ളവര് യുക്മ വെയില്സ് റീജിയന് വൈസ് പ്രെസിഡന്റ്റ് ശ്രീ പോള് പുതുശ്ശേരി, യുക്മ അംഗങ്ങള് ആയ ശ്രീ മാമ്മന് കടവില്, ശ്രീ ലിജോ തോമസ് എന്നിവരെ സമീപിച്ചു പേരുകള് രജിസ്റ്റര് ചെയ്യുവാന് അദ്ദേഹം നിര്ദ്ദേശിച്ചു.
അതിന് ശേഷം അതിവിപുലമായ വലിയവരുടെയും കുട്ടികളുടെയുമായ വിവിധതരം ഡാന്സ്, വൈയോസ് ടീമിന്റെ സ്പെഷ്യല് ഡാന്സ് ഐറ്റംസ്, ഗാനങ്ങള് സ്കിറ്റ്, മിമിക്രി, ഡീജെ (റോക്സണ്) എന്നിവ നടത്തി. കലാപരിപാടികള്ക്കിടയില് വിഭവ സമൃദ്ധമായതും സ്വാദിഷ്ടമായതുമായ ഭക്ഷണം എല്ലാവരും ആസ്വദിച്ചു.
പരിപാടികള് കോര്ഡിനേറ്റ് ചെയ്ത സിജി ജോയ്, സ്റ്റെഫീന സാബിത്, റീനു ബേബി എന്നിവരോടൊപ്പം ശ്രീ ജോബിന് എം ജോണ് ഫയര് & സേഫ്റ്റി കോര്ഡിനേറ്റ് ചെയ്തു. ഫുഡ് കോര്ഡിനേറ്റര്സ് ഷബീര് ബഷീര് ബായ്, ജോമേറ്റ് ജോസഫ്, അല്ഫിന് ജോസഫ് ആയിരുന്നു. അന്നേ ദിവസത്തെ സ്റ്റേജ് പരിപാടികള് നിയത്രിച്ചത് ജോസ് പ്രവീണ്, അനിത മേരി ചാക്കോ, ഫെമി റേച്ചല് കുര്യന് എന്നിവരാണ്. അതിവിപുലമായ ആഘോഷത്തോടെ ഒരു പുതിയ വര്ഷം സെക്രട്ടറി പ്രിന്സി ഫ്രാന്സിസ് എല്ലാവരും ആശംസിച്ചുകൊണ്ടും നന്ദി പറഞ്ഞുകൊണ്ടും ഈ പുതുവര്ഷാഘോഷങ്ങള് അവസാനിച്ചു.
എല്ലാ കമ്മിറ്റി അംഗങ്ങളുടെയും ഒത്തൊരുമയോടെയുള്ള ഇടപെടല് ഈ പരിപാടിയെ ഒരു വലിയ വിജയമാക്കാന് സഹായിച്ചു. യുകെയിലെ പ്രമുഖ മോര്ട്ട്ഗേജ് അഡൈ്വസിങ് സ്ഥാപനമായ ഇന്ഫിനിറ്റി മോര്ട്ട്ഗേജ് പരിപാടിയുടെ മുഖ്യ സ്പോണ്സറായിരുന്നു.മാര്ഷ്മല്ലോ കാര് ഇന്ഷുറന്സ്, ജിയ ട്രാവെല്സ് എന്നിവരും മറ്റ് സ്പോണ്സേഴ്സാണ്.
(പ്രിന്സി ഫ്രാന്സിസ്)
