സംസ്ഥാനത്ത് ഇന്ന് 62 പേര്ക്ക് കോവിഡ്19 സ്ഥിരീകരിച്ചതായി മുഖ്യമന്ത്രി പിണറായി വിജയന് വാര്ത്താ സമ്മേളനത്തില് അറിയിച്ചു. പത്ത് പേരുടെ ഫലം നെഗറ്റീവ് ആയി. രോഗബാധിതരില് 33 പേര് വിദേശത്തുനിന്നു വന്നവരാണ്. മറ്റു സംസ്ഥാനങ്ങളില്നിന്ന് 23 പേരും. തമിഴ്നാട് 10, മഹാരാഷ്ട്ര 10, കര്ണ്ണാടക, ഡല്ഹി പഞ്ചാബ് ഒന്ന് വീതം. ഒരാള്ക്ക് മാത്രമാണ് സമ്പര്ക്കത്തിലൂടെ രോഗബാധ സ്ഥിരീകരിച്ചത്.
ജയിലില് കഴിയുന്ന രണ്ട് പേര്ക്കും ആരോഗ്യ പ്രവര്ത്തകയായ ഒരാള്ക്കും രോഗം പിടിപെട്ടു. എയര് ഇന്ത്യ കാബിന് ക്രൂവിലെ രണ്ട് പേര്ക്കും കോവിഡ് സ്ഥിരീകരിച്ചിട്ടുണ്ട്. ഇന്ന് രോഗം സ്ഥിരീകരിച്ചവരുടെ ജില്ല തിരിച്ചുള്ള കണക്ക് പാലക്കാട് 14, കണ്ണൂര് ഏഴ്, തൃശ്ശൂര് ആറ്, പത്തനംതിട്ട ആറ്, മലപ്പുറം അഞ്ച്, തിരുവനന്തപുരം അഞ്ച്, കാസര്ഗോട് നാല്, എറണാകുളം നാല്, ആലപ്പുഴ മൂന്ന്, വയനാട് രണ്ട്, കൊല്ലം രണ്ട്, കോട്ടയം ഇടുക്കി കോഴിക്കോട് ഒന്ന് വീതം എന്നിങ്ങനെയാണ്. വയനാട് അഞ്ച്, കോഴിക്കോട് രണ്ട്, കണ്ണൂര് മലപ്പുറം കാസര്കോട് ഒന്ന് വീതവുമാണ് രോഗം ഭേദമായവരുടെ ജില്ല തിരിച്ചുള്ള കണക്ക്.