കല്ലമ്പലത്ത് മരിച്ച നവവധു ആതിരയുടെ ഭര്‍തൃമാതാവ് മരിച്ച നിലയില്‍. തൂങ്ങി മരിച്ച നിലയില്‍ വീടിനോട് ചേര്‍ന്നുള്ള കോഴിഫാമിലാണ് സുനില്‍ ഭവനില്‍ ശ്യാമളയുടെ മൃതദേഹം കണ്ടെത്തിയത്. ആതിരയുടെ മരണത്തില്‍ കുടുംബം സംശയമുയര്‍ത്തിയ പശ്ചാത്തലത്തിലാണ് ഇപ്പോള്‍ ശ്യാമളയുടെ മരണം.
നവവധുവായിരുന്ന ആതിരയെ ഭര്‍ത്താവിന്റെ വീട്ടില്‍ കഴുത്തറുത്ത് മരിച്ച നിലയില്‍ കണ്ടെത്തിയിരുന്നെങ്കിലും ആത്മഹത്യയാണെന്ന സ്ഥിരീകരണമാണ് പൊലീസിന്റെ ഭാഗത്തില്‍ നിന്നും ഉണ്ടായത്. തിരുവനന്തപുരം കല്ലമ്പലത്ത് വീട്ടിലെ കുളിമുറിയില്‍ കഴുത്തറക്കപ്പെട്ട നിലയിലാണ് കല്ലമ്പലം സുനിതാ ഭവനില്‍ ആതിരയെന്ന 24കാരിയുടെ മൃതദേഹം കണ്ടെത്തിയത്. കൈ ഞരമ്പും മുറിഞ്ഞ നിലയിലാണ്.
കുളിക്കാന്‍ പോയതിന് ശേഷം കാണാത്തതിനെ തുടര്‍ന്ന് നടത്തിയ അന്വേഷണത്തിലാണ് കുളിമുറിയില്‍ കഴുത്തറുത്ത നിലയില്‍ യുവതിയെ കണ്ടെത്തുന്നത്. കണ്ടെത്തിയ ഉടന്‍ ആശുപത്രിയില്‍ കഴുത്ത് പോയെങ്കിലും രക്ഷിക്കാനായില്ല. ഒന്നരമാസം മുന്‍പായിരുന്നു വിവാഹം. കല്ലമ്പലം പൊലീസ് കേസെടുത്തു.
