ഡല്ഹിയിലെ രഞ്ജിത് നഗര് പ്രദേശത്ത് 6 വയസ്സുള്ള പെണ്കുട്ടി ബലാത്സംഗത്തിനിരയായി. പെണ്കുട്ടി ഇപ്പോള് റാം മനോഹര് ലോഹ്യ ആശുപത്രിയില് ചികിത്സയിലാണ്.കഴിഞ്ഞ ദിവസം രാവിലെ പെണ്കുട്ടി അയല്പക്കത്തെ ഒരു ലംഗറില് ഭക്ഷണം കഴിക്കാന് പോയ സമയത്താണ് സംഭവം. തിരികെ വീട്ടിലെത്തുമ്പോള് രക്തം വാര്ന്നിരുന്നതായി പെണ്കുട്ടിയുടെ വീട്ടുകാര് പറഞ്ഞു.
വീട്ടുകാര് പെണ്കുട്ടിയെ ആശുപത്രിയില് കൊണ്ടുപോകുകയും പെണ്കുട്ടി ബലാത്സംഗം ചെയ്യപ്പെട്ടതായി അധികൃതര് അറിയിക്കുകയായിരുന്നു. പെണ്കുട്ടിയുടെ പിതാവ് ദിവസ വേദനക്കാരനാണ്.
പ്രദേശത്തെ സിസിടിവി ദൃശ്യങ്ങളില് പ്രതി പെണ്കുട്ടിക്കൊപ്പം നില്ക്കുന്നത് കാണാം. കുട്ടികളെ ലൈംഗികമായി ദുരുപയോഗം ചെയ്യുന്നതിനെതിരെയുള്ള കടുത്ത നിയമത്തിലെ വകുപ്പുകള് ഉള്പ്പെടെ ചേര്ത്ത് പൊലീസ് കേസെടുത്തിട്ടുണ്ടെങ്കിലും പ്രതിയെ ഇതുവരെ തിരിച്ചറിഞ്ഞിട്ടില്ല.
സംഭവത്തില് കര്ശന നടപടി സ്വീകരിക്കണമെന്ന് ആവശ്യപ്പെട്ട് ഡല്ഹി വനിതാ കമ്മീഷന് പൊലീസിന് നോട്ടീസ് നല്കിയിട്ടുണ്ട്.
