ഗ്ലോസ്റ്ററില്‍ താമസിക്കുന്ന തൃശൂര്‍ സ്വദേശിനി വിന്‍സി റിജുമോന്‍ നാട്ടില്‍ ചികിത്സയിലിരിക്കേ ഇന്നലെ മരണമടഞ്ഞിരുന്നു. വിന്‍സിയുടെ സംസ്‌കാരം മേയ് 10 ശനിയാഴ്ച ഔര്‍ ലേഡി ഓഫ് ഡോളോറെസ് ചര്‍ച്ചില്‍ (ഉദയനഗര്‍, അത്താണി) നടക്കും.
വിയോഗം വലിയ വേദനയാവുകയാണ് പ്രിയപ്പെട്ടവര്‍ക്ക്. മൂന്നു ചെറിയ കുഞ്ഞുങ്ങള്‍ക്ക് ഇനി അമ്മയുടെ സ്‌നേഹ തണലുണ്ടാകില്ല.
സ്ട്രൗഡ് ആശുപത്രിയില്‍ നഴ്സായി ജോലി ചെയ്യുകയായിരുന്നു വിന്‍സി. ഒരു നല്ല ജീവിതം സ്വപ്നം കണ്ട് യുകെയിലെത്തി ഒരു വര്‍ഷമായപ്പോഴേക്കും രോഗം തിരിച്ചറിയുകയായിരുന്നു. രണ്ടുവര്‍ഷമായി കുടുംബം യുകെയിലെത്തിയത്. രോഗം മൂര്‍ദ്ധന്യാവസ്ഥയിലെത്തിയപ്പോഴാണ് കണ്ടെത്തിയത്. ചികിത്സയും മറ്റുമായി ഏറെ ബുദ്ധിമുട്ടുകയായിരുന്നു കുടുംബം.
ഏപ്രില്‍ അവസാനം നാട്ടില്‍ പോയി കുടുംബത്തെ കണ്ടു, ഒടുവില്‍ നാട്ടില്‍ ചികിത്സ തുടരുകയായിരുന്നു.
പ്രതീക്ഷയോടെ യുകെയിലെത്തിയ കുടുംബത്തെ കാത്തിരുന്നത് വലിയ ദുരന്തമാണ്. മൂന്നു കുട്ടികള്‍ അനാഥരായ അവസ്ഥയാണ്.
9, 8, 6 ലും പഠിക്കുന്ന ചെറിയ കുട്ടികളും പിതാവും വിന്‍സിയുടെ വിയോഗം വിശ്വസിക്കാനാകാത്ത അവസ്ഥയിലാണ്. വിന്‍സി മണ്ണൂത്തി മൂക്കാട്ടുക്കര കുടുംബാംഗമാണ്. ഭര്‍ത്താവ് റിജു മോന്‍ ജോസ് വടക്കഞ്ചേരി സ്വദേശിയാണ്.
കുടുംബത്തെ സഹായിക്കാനായി ഗ്ലോസ്റ്റര്‍ മലയാളികള്‍ സജീവമാണ്.
