Breaking Now

ഏറ്റവും ആഗ്രഹിക്കപ്പെടുന്ന പുരുഷൻ സുദീപ്

ഏറ്റവും ആഗ്രഹിക്കപ്പെടുന്ന പുരുഷനെ കണ്ടെത്താൻ ബാംഗ്ലൂർ ടൈംസ് നടത്തിയ സര്‍വ്വേയില്‍ ഒന്നാം സ്ഥാനം കന്നട താരം സുദീപിന്. ഇരുപത്തഞ്ചുപേരുടെ പട്ടികയില്‍ രണ്ടാം സ്ഥാനത്ത് പുനീത് രാജ്കുമാറും മൂന്നാം സ്ഥാനത്ത് ഉപേന്ദ്രയുമാണ്.

കന്നടത്തിലെ മികച്ച അഭിനേതാക്കളില്‍ ഒരാളായ സുദീപ് ഈച്ച എന്ന ഡബ്ബിംഗ് ചിത്രത്തിലൂടെ മലയാളത്തിലും പരിചിതനാണ്. ഈ ചിത്രത്തിലെ വില്ലന്‍ വേഷം സുദീപിനെ പോയ വര്‍ഷം ദേശീയ അവാര്‍ഡിനടുത്തുവരെ എത്തിച്ചിരുന്നു. 1997ല്‍ സീരിയലിലൂടെ അഭിനയ രംഗത്തേക്ക് വന്ന സുദീപിന് പ്രായം നാല്പതോടടുക്കുകയാണ്. സംവിധായകനെന്ന നിലയിലും പ്രശസ്തനായ സുദീപിന്റെ ആദ്യ സംവിധാന സംരംഭം മൈ ഓട്ടോഗ്രാഫ് വന്‍ വിജയമായിരുന്നു.

ഏറ്റവും ആഗ്രഹിക്കപ്പെടുന്ന പുരുഷനായി തിരഞ്ഞെടുക്കപ്പെട്ടതില്‍ സുദീപ് സന്തോഷം പ്രകടിപ്പിച്ചു. എന്നാല്‍ ഏറ്റവും സുന്ദരനായ വ്യക്തിയായി താന്‍ കണക്കാക്കുന്നത് അന്തരിച്ച കന്നഡ താരം വിഷ്ണുവര്‍ദ്ധനെയാണെന്ന് സുദീപ് പറഞ്ഞു.




കൂടുതല്‍വാര്‍ത്തകള്‍.