ആലപ്പുഴയില്‍ പോക്‌സോ കേസില്‍ സ്‌കൂള്‍ പ്രിന്‍സിപ്പല്‍ അറസ്റ്റില്‍. തിരുവനന്തപുരം വെഞ്ഞാറമൂട് നെല്ലനാട് മൊഴി ഗോപകുമാര്‍(49) ആണ് അറസ്റ്റിലായത്. വീയപുരം ഗവ ഹയര്‍ സെക്കന്‍ഡറി സ്‌കൂളിലെ പ്രിന്‍സിപ്പലാണ് ഗോപകുമാര്‍. വിദ്യാര്‍ത്ഥിനിയെ സ്‌കൂളിലെ ഓഫീസ് മുറിയില്‍ വിളിച്ചുവരുത്തി മോശമായി പെരുമാറി എന്ന പരാതിയിലാണ് അറസ്റ്റ്.
ചൈല്‍ഡ് ലൈന്‍ നടത്തിയ കൗണ്‍സലിങ്ങിലാണ് വിദ്യാര്‍ത്ഥിനി ഈ വിവരങ്ങള്‍ വെളിപ്പെടുത്തിയത്. ഉടന്‍ തന്നെ ചൈല്‍ഡ് ലൈന്‍ വീയപുരം പൊലീസില്‍ അറിയിക്കുകയും മൊഴി രേഖപ്പെടുത്തിയശേഷം അറസ്റ്റുചെയ്യുകയുമായിരുന്നു. ഹരിപ്പാട് കോടതിയില്‍ ഹാജരാക്കിയ പ്രതിയെ റിമാന്‍ഡുചെയ്തു
