അമ്മയേയും മകളേയും തട്ടിക്കൊണ്ടുപോയി കൂട്ട ബലാത്സംഗത്തിന് ഇരയാക്കി അക്രമ സംഘം. മധ്യപ്രദേശിലെ ബുര്‍ഹാന്‍പൂര്‍ ജില്ലയിലെ ഷാപ്പൂര്‍ പ്രദേശത്താണ് സംഭവം. ഭര്‍ത്താവിനെ വീട്ടില്‍ ബന്ദിയാക്കിയ ശേഷം 42 കാരിയായ ഭാര്യയേയും 12 കാരിയായ മകളേയും ആയുധ ധാരികളായ ആറംഗ സംഘം സമീപത്തെ വയലില്‍ വച്ച് പീഡനത്തിന് ഇരയാക്കുകയായിരുന്നു.
മഹാരാഷ്ട്ര അതിര്‍ത്തിയോട് ചേര്‍ന്ന ബോദാര്‍ലി ഗ്രാമത്തിലാണ് സംഭവം. വീട്ടില്‍ നിന്ന് പണവും മൊബൈല്‍ ഫോണും അടക്കം അക്രമി സംഘം മോഷ്ടിച്ചു. അക്രമി സംഘത്തെ പിടികൂടാനുള്ള ശ്രമത്തിലാണ് പോലീസ്.
പോക്‌സോ, ബലാത്സംഗം, എന്നിങ്ങനെ നിരവധി വകുപ്പുകള്‍ ചുമത്തിയാണ് പ്രതികള്‍ക്കെതിരെ കേസെടുത്തിരിക്കുന്നത്.
