ഹൈദരാബാദിലെ വാടക വീട്ടില് 21 കാരിയായ യൂട്യൂബറും സയന്സ് വിദ്യാര്ത്ഥിനിയുമായ ബോണു കൊമാലിയെ തിങ്കളാഴ്ച മരിച്ച നിലയില് കണ്ടെത്തി. അമ്മയ്ക്ക് ഐ ലവ് യു സോ മച്ച് എന്ന് സന്ദേശം അയച്ചതിന് തൊട്ടുപിന്നാലെയാണ് ബോണു കൊമാലി മരിച്ചത്. ആന്ധ്രാപ്രദേശിലെ വിശാഖപട്ടണം സ്വദേശിയായ കോമാലി, ഹൈദരാബാദിലെ സ്വകാര്യ കോളേജില് ബിഎസ്സിക്ക് പഠിക്കുന്നതിനിടെ ഏകദേശം 11 മാസമായി ഒരു അപ്പാര്ട്ട്മെന്റില് ഒറ്റയ്ക്ക് താമസിച്ചു വരികയായിരുന്നു. യൂട്യൂബ് വീഡിയോകളിലൂടെ പ്രശസ്തയായിരുന്നു കൊമാലി. തിങ്കളാഴ്ച പുലര്ച്ചെ കുവൈറ്റില് ജോലി ചെയ്യുന്ന അമ്മ ബി സത്യ വരലക്ഷ്മിക്കാണ് കൊമാലി അവസാനമായി സന്ദേശമയച്ചത്. ഇളയ സഹോദരനെ നന്നായി നോക്കണമെന്നും കൊമാലി ആവശ്യപ്പെട്ടു. പിന്നീട് അവളുടെ ഫോണ് സ്വിച്ച് ഓഫ് ആയി. ആവര്ത്തിച്ചുള്ള കോളുകള്ക്ക് മറുപടി ലഭിക്കാത്തതിനെ തുടര്ന്ന് അമ്മ സുഹൃത്തിനെ വിവരമറിയിച്ചു.
വാതില് തകര്ത്ത് അകത്തുകടന്നപ്പോഴാണ് മരിച്ച നിലയില് കണ്ടെത്തിയത്. സംഭവസ്ഥലത്തിന് സമീപത്ത് നിന്ന് ഒരു ഗോവണിയും സാരിയും കണ്ടെത്തി. പ്രണയബന്ധം തകര്ന്നതിലെ മാനസിക വേദനയെ തുടര്ന്നാണ് മരണമെന്ന് പൊലീസ് പറഞ്ഞു. 27 കാരനായ സോഫ്റ്റ്വെയര് എഞ്ചിനീയറും സഹ യൂട്യൂബറുമായ ഒരാളുമായി മൂന്ന് വര്ഷത്തെ ബന്ധത്തിലായിരുന്നു. ആറ് മാസം മുമ്പ് കൊമാലി ആത്മഹത്യയ്ക്ക് ശ്രമിച്ചിരുന്നുവെന്ന് പൊലീസ് പറഞ്ഞു. മൃതദേഹം പോസ്റ്റ്മോര്ട്ടത്തിനായി ഒസ്മാനിയ ജനറല് ആശുപത്രിയിലേക്ക് മാറ്റി
