മുസ്ലീങ്ങള് ഇന്ത്യയെ ഇസ്ലാമിക രാജ്യമാക്കാന് ആഗ്രഹിക്കുന്നെന്ന ബി.ജെ.പി എം.എല്.എയുടെ പരാമര്ശം വിവാദമാകുന്നു. ബിഹാറിലെ ബി.ജെ.പി നേതാവ് ഹരി ഭൂഷണ് താക്കൂറാണ് വിവാദ പരാമര്ശം നടത്തിയത്.
മുസ്ലിങ്ങളുടെ പ്രത്യുല്പാദന നിരക്ക് ഹിന്ദുക്കളെക്കാള് കൂടുതലാണെന്നും ഇന്ത്യയെ ഇസ്ലാമിക രാജ്യമാക്കാനാണ് ഇവര് ആഗ്രഹിക്കുന്നതെന്നുമാണ് എം.എല്.എ പറഞ്ഞത്. സംസ്ഥാനത്തെ ജനന നിരക്കില് വലിയതോതില് കുറവുണ്ടായെന്ന മുഖ്യമന്ത്രി നിതീഷ് കുമാറിന്റെ വാദത്തോട് പ്രതികരിക്കുകയായിരുന്നു ഹരി ഭൂഷണ്.
ബിഹാറില് ജനന നിരക്ക് കുറഞ്ഞുവെന്നത് ശരിയാണ്. എന്നാല് ഇത് ഹിന്ദുക്കള്ക്കിടയില് മാത്രമാണെന്നും മുസ്ലിങ്ങള്ക്കിടയില് ജനന നിരക്ക് കുറഞ്ഞിട്ടില്ലെന്നുമാണ് ഹരി ഭൂഷണ് പറഞ്ഞത്.
ജനസംഖ്യാ നിരക്ക് നിയന്ത്രിക്കുന്നതിന് നിയമനിര്മാണം കൊണ്ടുവരണം. രാജ്യത്തുള്ള വിഭവങ്ങള് വളരെ കുറവാണെന്നം എം.എല്.എ പറഞ്ഞു.
ബിഹാറിലെ ബിസ്ഫി നിയമസഭാ മണ്ഡലത്തില് നിന്നുള്ള എം എല് എയാണ് ഹരി ഭൂഷണ്.
